18.62C Vancouver 18.62C VancouverFeb 25, 2020 6:30 PM -
ਵੁਹਾਨ, ਚੀਨ ਤੋਂ ਲਿਆਂਦੇ ਗਏ ਟ੍ਰੇੰਟਨ, ਓਨਟਾਰਿਓ ਵਿੱਚ ਕੁਆਰੰਟੀਨ ਵਿੱਚ ਰਹਿ ਰਹੇ ਆਖਰੀ 195 ਕਨੇਡੀਅਨ ਨਾਗਰਿਕਾਂ ਨੂੰ ਘਰ ਜਾਣ ਦੀ ਇਜਾਜ਼ਤ ਦੇ ਦਿੱਤੀ ਗਈ ਹੈ।
ਵੁਹਾਨ ਤੋਂ ਕਨੇਡੀਅਨ ਸਰਕਾਰ ਦੇ ਚਾਰਟਰ ਜਹਾਜ਼ ਰਾਹੀਂ ਆਏ ਸਾਰੇ ਵਿਅਕਤੀਆਂ ਨੂੰ ਕਨੇਡੀਅਨ ਫੋਰਸਿਜ਼ ਬੇਸ ਵਿਖੇ, ਕੋਵਿੱਡ-19 ਦੀਆਂ ਨਿਸ਼ਾਨੀਆਂ ਉੱਤੇ ਨਜ਼ਰ ਰੱਖਣ ਲਈ ਦੋ ਹਫਤਿਆਂ ਵਾਸਤੇ ਇਕਾਂਤ ਵਿੱਚ ਰੱਖਿਆ ਗਿਆ ਸੀ।
219 ਵਿਅਕਤੀਆਂ ਦੀ ਸਿਹਤ ਜਾਂਚ ਤੋਂ ਬਾਅਦ ਉਨ੍ਹਾਂ ਨੂੰ ਪਿੱਛਲੇ ਹਫਤੇ ਘਰ ਜਾਣ ਦੀ ਇਜਾਜ਼ਤ ਦੇ ਦਿੱਤੀ ਗਈ ਸੀ।
ਚੀਫ ਪਬਲਿਕ ਹੈਲਥ ਅਫਸਰ, ਡਾਕਟਰ ਥਰੀਸਾ ਟੈਮ ਮੁਤਾਬਕ ਵੁਹਾਨ ਤੋਂ ਆਏ ਇਨ੍ਹਾਂ ਵਿਚੋਂ ਕਿਸੇ ਵੀ ਵਿਅਕਤੀ ਵਿੱਚ ਵਾਇਰਸ ਦੀਆਂ ਨਿਸ਼ਾਨੀਆਂ ਨਹੀਂ ਪਾਈਆਂ ਗਈਆਂ ਅਤੇ ਉਨ੍ਹਾਂ ਤੋਂ ਕਿਸੇ ਨੂੰ ਵੀ ਕਿਸੇ ਕਿਸਮ ਦਾ ਖ਼ਤਰਾ ਨਹੀਂ ਹੈ।
ਸਰਕਾਰ ਵਲੋਂ ਇਨ੍ਹਾਂ ਸਾਰੇ ਵਿਅਕਤੀਆਂ ਨੂੰ ਟਰਾਂਟੋ ਤੱਕ ਛੱਡਣ ਦਾ ਬੰਦੋਬਸਤ ਕੀਤਾ ਗਿਆ ਹੈ ਜਿਥੋਂ ਉਹ ਆਪਣੇ ਆਪਣੇ ਘਰਾਂ ਨੂੰ ਜਾ ਸਕਣਗੇ।
ਟੈਮ ਦਾ ਕਹਿਣਾ ਕਿ ਵਾਇਰਸ ਦੇ ਕੈਨੇਡਾ ਵਿੱਚ ਫੈਲਣ ਦਾ ਖ਼ਤਰਾ ਬਹੁਤ ਘੱਟ ਹੈ।
