12.94C Vancouver 12.94C VancouverDec 17, 2021 8:17 PM - The Canadian Press
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਕੈਨੇਡਾ 'ਚ ਸਾਹਮਣੇ ਆਏ ਓਮੀਕਰੌਨ ਵੇਰੀਐਂਟ ਦੇ ਮਾਮਲੇ ਏਸਿੰਪਟੋਮੈਟਿਕ ਜਾਂ ਹਲਕੇ ਲੱਛਣਾਂ ਵਾਲੇ ਹਨ।
ਉਨ੍ਹਾਂ ਦੱਸਿਆ ਕਿ ਹੁਣ ਤਕ ਕੈਨੇਡਾ 'ਚ ਇਸ ਵੇਰੀਐਂਟ ਦੇ 300 ਤੋਂ ਵਧੇਰੇ ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਹਾਲਾਂਕਿ ਉਨ੍ਹਾਂ ਇਹ ਵੀ ਆਖਿਆ ਕਿ ਇਸ ਵੇਰੀਐਂਟ ਤੋਂ ਪ੍ਰਭਾਵਿਤ ਹੋਏ ਲੋਕਾਂ 'ਚ ਬਹੁਤੇ ਯੁਵਾ ਵਰਗ ਨਾਲ ਸੰਬੰਧਤ ਹਨ।
ਉਨ੍ਹਾਂ ਕਿਹਾ ਕਿ ਇਸ ਵੇਰੀਐਂਟ ਦੀ ਟਰਾਂਸਮਿਸ਼ਨ ਦੀ ਸ਼ਕਤੀ ਵਧੇਰੇ ਹੈ ਅਤੇ ਇਸ ਨਾਲ ਸੋਸਾਈਟੀ 'ਚ ਵਧੇਰੇ ਫੈਲਾਅ ਵਿਚਾਲੇ ਮੁਸ਼ਕਿਲ ਖੜੀ ਹੋ ਸਕਦੀ ਹੈ।
ਡਾ. ਥਰੈਸਾ ਟੈਮ ਨੇ ਕਿਹਾ ਕਿ ਇਸ ਵਾਇਰਸ ਵੇਰੀਐਂਟ ਨਾਲ ਵੈਕਸੀਨੇਟਿਡ ਅਤੇ ਅਨਵੈਕਸੀਨੇਟਿਡ ਲੋਕ, ਦੋਵਾਂ ਵਰਗਾਂ 'ਚ ਮਾਮਲੇ ਰਿਪੋਰਟ ਹੋਏ ਹਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਜੇਕਰ ਕੋਈ ਵਿਅਕਤੀ ਵੈਕਸੀਨ ਹਾਸਿਲ ਕਰਦਾ ਹੈ ਅਤੇ ਫਿਰ ਇਸ ਦੀ ਬੂਸਟਰ ਖੁਰਾਕ ਲੈਂਦਾ ਹੈ ਤਾਂ ਉਨ੍ਹਾਂ ਨੂੰ ਵਧੇਰੇ ਬਿਮਾਰ ਹੋਣ ਤੋਂ ਬਚਾਅ ਲਈ ਬਿਹਤਰ ਸੁਰੱਖਿਆ ਪ੍ਰਦਾਨ ਹੋ ਸਕਦੀ ਹੈ।
ਉਨ੍ਹਾਂ ਆਖਿਆ ਕਿ ਕੈਨੇਡਾ ਵਾਸੀਆਂ ਨੂੰ ਇਸ ਛੁੱਟੀ ਦੀ ਰੁੱਤ ਦੌਰਾਨ ਇਸ ਵੇਰੀਐਂਟ ਦੇ ਮੱਦੇਨਜਰ ਕੋਈ ਯਾਤਰਾ ਦੇ ਪਲੈਨ ਬਣਾਉਣ ਤੋਂ ਬਚਾਅ ਕਰਨਾ ਚਾਹੀਦਾ ਹੈ।
