18.94C Vancouver 18.94C VancouverJul 7, 2025 7:57 PM - The Canadian Press
ਬੀ.ਸੀ.ਵਿਚ ਅਗਲੇ ਸਾਲ ਫੀਫਾ ਵਿਸ਼ਵ ਕੱਪ ਦੌਰਾਨ 4 ਸ਼ਹਿਰਾਂ ਦੀਆਂ ਅਦਾਲਤਾਂ ਵਿਚ ਚੱਲਣ ਵਾਲੇ ਅਪਰਾਧਿਕ ਮੁਕੱਦਮੇ ਮੁੜ ਤੈਅ ਹੋਣਗੇ। ਸੂਬੇ ਦੀ ਸੁਪਰੀਮ ਕੋਰਟ ਦੇ ਮੁੱਖ ਜੱਜ ਨੇ ਇਹ ਗੱਲ ਆਖੀ ਹੈ। ਇਨ੍ਹਾਂ ਵਿਚ ਵੈਨਕੂਵਰ, ਐਬਟਸਫੋਰਡ, ਚਿਲੀਵੈਕ ਅਤੇ ਨਿਊ ਵੈਸਟਮਿੰਸਟਰ ਦੀਆਂ ਅਦਾਲਤਾਂ ਸ਼ਾਮਲ ਹਨ।
ਚੀਫ਼ ਜਸਟਿਸ ਰੌਨ ਸਕੋਲਰੂਡ ਨੇ ਸੋਮਵਾਰ ਨੂੰ ਜਾਰੀ ਕੀਤੇ ਇੱਕ ਨੋਟਿਸ ਵਿਚ ਕਿਹਾ ਕਿ ਫੀਫਾ ਵਿਸ਼ਵ ਕੱਪ ਦੇ ਮੱਦੇਨਜ਼ਰ ਅਦਾਲਤਾਂ 'ਤੇ ਮਹੱਤਵਪੂਰਨ ਪ੍ਰਭਾਵ ਪੈਣ ਦੀ ਸੰਭਾਵਨਾ ਹੈ।
ਨੋਟਿਸ ਵਿਚ ਕਿਹਾ ਗਿਆ ਹੈ ਕਿ 12 ਜੂਨ ਤੋਂ 8 ਜੁਲਾਈ 2026 ਤੱਕ ਇਨ੍ਹਾਂ ਚਾਰ ਥਾਵਾਂ 'ਤੇ ਨਾ ਤਾਂ ਜਿਊਰੀ ਅਤੇ ਨਾ ਹੀ ਕਿਸੇ ਜੱਜ ਵਲੋਂ ਅਪਰਾਧਿਕ ਮੁਕੱਦਮੇ ਚਲਾਏ ਜਾਣਗੇ ਅਤੇ ਨਾ ਹੀ ਕੋਈ ਸਿਵਲ ਜਿਊਰੀ ਟ੍ਰਾਇਲ ਹੋਣਗੇ। ਇਨ੍ਹਾਂ ਟਰਾਇਲ ਨੂੰ ਰੀਸ਼ਡਿਊਲ ਕੀਤਾ ਜਾਵੇਗਾ।
