ਓਸੋਯੋਸ ਜੰਗਲ ਦੀ ਅੱਗ ਦੇ ਆਲੇ-ਦੁਆਲੇ ਨਿਕਾਸੀ ਦੇ ਸਾਰੇ ਆਦੇਸ਼ ਹਟਾ ਦਿੱਤੇ ਗਏ

ਬੀ.ਸੀ. ਵਾਇਲਡ ਫਾਇਰ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਵਾਸ਼ਿੰਗਟਨ ਤੋਂ ਫੈਲ ਕੇ ਬੀ.ਸੀ ਤੱਕ ਆਈ ਜੰਗਲੀ ਅੱਗ ਦੇ ਹੁਣ ਹੋਰ ਜ਼ਿਆਦਾ ਫੈਲਣ ਦਾ ਖ਼ਤਰਾ ਪ੍ਰਤੀਤ ਨਹੀਂ ਹੁੰਦਾ।

ਇਸੇ ਕਰਕੇ ਓਸੋਯੋਸ ਵਿਚ ਲੱਗੀ ਜੰਗਲੀ ਅੱਗ ਕਰਕੇ ਜਾਰੀ ਸਾਰੇ ਨਿਕਾਸੀ ਦੇ ਆਰਡਰ ਹੁਣ ਚੱਕ ਦਿੱਤੇ ਗਏ ਹਨ।

ਜ਼ਿਕਰਯੋਗ ਹੈ ਕਿ ਇਸ ਅੱਗ ਕਰਕੇ 71 ਵਰਗ ਕਿਲੋਮੀਟਰ ਦਾ ਇਲਾਕਾ ਸੜ ਕੇ ਸਵਾਹ ਹੋ ਚੁੱਕਿਆ ਹੈ।

ਜਿਸ ਵੇਲੇ ਇਹ ਅੱਗ ਆਪਣੇ ਸਿਖਰ ਤੇ ਸੀ, ਉਸ ਵੇਲੇ 700 ਦੇ ਕਰੀਬ ਪਰੌਪਰਟੀਆਂ ਖਾਲੀ ਕਰਵਾਈਆਂ ਗਈਆਂ ਸਨ ਅਤੇ 2000 ਦੇ ਕਰੀਬ ਨੂੰ ਨਿਕਾਸੀ ਦੇ ਅਲਰਟ ਤੇ ਰੱਖਿਆ ਗਿਆ ਸੀ।