ਵੈਨਕੂਵਰ-ਫਰੇਜ਼ਰਵਿਊ ’ਚ ਅਮਨ ਸਿੰਘ ਤੇ ਦੀਪ ਸੰਧੂ ਆਹਮੋ-ਸਾਹਮਣੇ

ਬੀ.ਸੀ. ਦੀ ਵੈਨਕੂਵਰ-ਫਰੇਜ਼ਰਵਿਊ ਸੀਟ 'ਤੇ ਇਸ ਵਾਰ ਚੋਣ ਮੁਕਾਬਲਾ ਦਿਲਚਸਪ ਹੋਣ ਜਾ ਰਿਹਾ ਹੈ। ਬੀਸੀ ਐਨਡੀਪੀ ਨੇ ਇਸ ਰਾਈਡਿੰਗ ਲਈ ਅਮਨ ਸਿੰਘ ਨੂੰ ਉਮੀਦਵਾਰ ਐਲਾਨਿਆ ਹੈ, ਜੋ ਪਾਰਟੀ ਦੇ ਪ੍ਰੈਜ਼ੀਡੈਂਟ ਵੀ ਹਨ। ਉਨ੍ਹਾਂ ਦਾ ਮੁੱਖ ਮੁਕਾਬਲਾ ਬੀ. ਸੀ. ਕੰਜ਼ਰਵੇਟਿਵ ਪਾਰਟੀ ਦੇ ਦੀਪ ਸਿੰਘ ਸੰਧੂ ਨਾਲ ਹੋਵੇਗਾ, ਜੋ ਇੱਕ ਕਾਰੋਬਾਰੀ ਅਤੇ ਗੁਰੂ ਨਾਨਕ ਫਰੀ ਕਿਚਨ ਦੇ ਸਮਰਪਿਤ ਵਲੰਟੀਅਰ ਵੀ ਹਨ।

ਉਥੇ ਹੀ, ਅਮਨ ਸਿੰਘ ਇਸ ਤੋਂ ਪਹਿਲਾਂ ਰਿਚਮੰਡ-ਕੁਈਨਜ਼ਬਰੋ ਰਾਈਡਿੰਗ ਦੇ 2020 ਤੋਂ 2024 ਤੱਕ ਵਿਧਾਇਕ ਰਹਿ ਚੁੱਕੇ ਹਨ ਪਰ 2024 ਦੀਆਂ ਚੋਣਾਂ ਵਿਚ ਉਨ੍ਹਾਂ ਨੂੰ ਇਥੇ ਬੀ.ਸੀ. ਕੰਜ਼ਰਵੇਟਿਵ ਪਾਰਟੀ ਦੇ ਉਮੀਦਵਾਰ Steve Kooner ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।

ਹੁਣ ਅਮਨ ਜਿਸ ਵੈਨਕੂਵਰ-ਫਰੇਜ਼ਰਵਿਊ ਸੀਟ ਤੋਂ ਚੋਣ ਲੜ ਰਹੇ ਹਨ, ਉਹ 2017 ਤੋਂ ਹੀ ਬੀਸੀ ਐਨਡੀਪੀ ਕੋਲ ਰਹੀ ਹੈ। ਪਿਛਲੀ ਵਾਰ ਇੱਥੇ ਬੀ. ਸੀ. ਕੰਜ਼ਰਵੇਟਿਵ ਨੇ 37 ਫੀਸਦੀ ਵੋਟਾਂ ਲਈਆਂ ਸਨ ਅਤੇ ਬੀ. ਸੀ. ਐਨਡੀਪੀ ਨੇ ਕਰੀਬ 4,200 ਵੋਟਾਂ ਦੇ ਫਰਕ ਨਾਲ ਇਹ ਸੀਟ ਜਿੱਤੀ ਸੀ।