15.44C Vancouver 15.44C VancouverJun 8, 2022 12:44 AM - The Canadian Press
ਅਮੈਂਡਾ ਟੌਡ ਸੰਬੰਧੀ ਨਿਊ ਵੈਸਟਮਿਨਸਟਰ ਦੇ ਕੋਰਟ 'ਚ ਚੱਲ ਰਹੀ ਸੁਣਵਾਈ ਦੌਰਾਨ ਅੱਜ ਦੂਜੇ ਦਿਨ ਪੀੜਤ ਲੜਕੀ ਦੀ ਮਾਂ ਨੇ ਦੱਸਿਆ ਕਿ ਉਸ ਦੀ ਧੀ ਨਵੰਬਰ 2011 'ਚ ਡਰ ਗਈ ਸੀ ਕਿ ਉਸ ਦੀ ਇੱਕ ਐਕਸਪਲੀਸਿਟ ਤਸਵੀਰ ਦੀ ਵਰਤੋਂ ਇੱਕ ਫੇਸਬੁੱਕ ਪ੍ਰੋਫਾਈਲ ਫੋਟੋ ਦੇ ਤੌਰ 'ਤੇ ਕੀਤੀ ਜਾ ਰਹੀ ਸੀ।
ਉਨ੍ਹਾਂ ਦੱਸਿਆ ਕਿ ਅਮੈਂਡਾ ਪੌੜੀਆਂ ਤੋਂ ਭੱਜੀ-ਭੱਜੀ ਹੇਠਾਂ ਆਈ ਅਤੇ ਉਹ ਸਹਿਮੀ ਹੋਈ ਸੀ।
ਅਮੈਂਡਾ ਟੌਡ ਦੀ ਮਾਂ ਨੇ ਦੱਸਿਆ ਕਿ ਵਰਤੀ ਜਾ ਰਹੀ ਤਸਵੀਰ ਉਸ ਦੀ ਧੀ ਦੀ ਟੌਪਲੈਸ ਤਸਵੀਰ ਸੀ ਅਤੇ ਇਸ ਪ੍ਰੋਫਾਈਲ ਜਰੀਏ ਉਸ ਦੇ ਦੋਸਤਾਂ ਅਤੇ ਜਾਣਕਾਰਾਂ ਨਾਲ ਵੀ ਸੰਪਰਕ ਬਣਾਇਆ ਗਿਆ ਸੀ।
ਉਸ ਦੀ ਮਾਂ ਨੇ ਕੋਰਟ ਨੂੰ ਦੱਸਿਆ ਕਿ ਅਮੈਂਡਾ ਟੌਡ ਬੇਹੱਦ ਡਰ ਗਈ ਸੀ ਅਤੇ ਉਹ ਵਾਪਿਸ ਸਕੂਲ ਜਾਣ 'ਚ ਵੀ ਝਿਜਕ ਮਹਿਸੂਸ ਕਰ ਰਹੀ ਸੀ।
ਇਸ ਮਾਮਲੇ 'ਚ ਏਡੀਨ ਕੋਬਨ ਨਾਮ ਦੇ ਵਿਅਕਤੀ ਨੇ ਖੁਦ ਨੂੰ ਬੇਕਸੂਰ ਦੱਸਿਆ ਹੈ।
ਨੀਦਰਲੈਂਡਸ ਦੇ ਇਸ ਆਦਮੀ ਨੇ ਨਿਊ ਵੈਸਟਮਿਨਸਟਰ 'ਚ ਆਪਣੇ ਟ੍ਰਾਇਲ ਦੀ ਸ਼ੁਰੂਆਤ ਵਿੱਚ ਖੁਦ 'ਤੇ ਲੱਗੇ ਦੋਸ਼ਾਂ 'ਚ ਖੁਦ ਨੂੰ ਬੇਕਸੂਰ ਦੱਸਿਆ ਹੈ।
ਮਾਮਲਾ ਪੋਰਟ ਕੋਕਟਲਮ ਦੀ ਅਮੈਂਡਾ ਟੌਡ ਦੇ ਕਥਿਤ ਐਕਸਟੌਰਸ਼ਨ ਅਤੇ ਹਰਾਸਮੈਂਟ ਨਾਲ ਸੰਬੰਧਤ ਹੈ।
ਅਮੈਂਡਾ ਟੌਡ ਨੇ ਅਕਤੂਬਰ 2012 'ਚ ਖੁਦਕੁਸ਼ੀ ਕਰ ਲਈ ਸੀ।
ਉਸ ਨੇ ਖੁਦਕੁਸ਼ੀ ਤੋਂ ਪਹਿਲਾਂ ਇੱਕ ਵੀਡੀਓ ਪੋਸਟ ਕੀਤੀ ਸੀ ਜਿਸ 'ਚ ਉਸ ਨੇ ਕਈ ਫਲੈਸ਼ ਕਾਰਡਸ ਦੀ ਵਰਤੋਂ ਕਰ ਬੁਲਿੰਗ ਅਤੇ ਹਰਾਸਮੈਂਟ ਬਾਰੇ ਦੱਸਿਆ ਸੀ ਜੋ ਉਸ ਨੂੰ ਔਨਲਾਈਨ ਸਾਂਝੀ ਕੀਤੀ ਇੰਟੀਮੇਟ ਤਸਵੀਰ ਕਾਰਨ ਝੱਲਣੀ ਪਈ ਸੀ।
