20.05C Vancouver 20.05C VancouverNov 25, 2022 1:19 AM - The Canadian Press
ਫਰੀਡਮ ਕਾਨਵਾਈ ਪ੍ਰਦਰਸ਼ਨਾਂ ਦੌਰਾਨ ਐਮਰਜੈਂਸੀਸ ਐਕਟ ਲਾਗੂ ਕਰਨ ਦੇ ਮਾਮਲੇ 'ਚ ਚੱਲ ਰਹੀ ਪਬਲਿਕ ਇੰਕਵਾਇਰੀ 'ਚ ਅੱਜ ਡਿਪਟੀ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਟੈਸਟੀਫਾਈ (ਗਵਾਹੀ) ਕੀਤਾ ਹੈ।
ਫ੍ਰੀਲੈਂਡ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਵੱਲੋਂ ਐਮਰਜੈਂਸੀਸ ਐਕਟ ਲਾਗੂ ਕਰਨ ਤੋਂ 4 ਦਿਨ ਪਹਿਲਾਂ ਇੱਕ ਵਾਈਟ ਹਾਊਸ ਅਧਿਕਾਰੀ ਨੇ ਸਪਸ਼ਟ ਕੀਤਾ ਸੀ ਕਿ ਅਮਰੀਕਾ ਚਾਹੁੰਦਾ ਸੀ ਕਿ ਔਟਵਾ 'ਚ ਹਾਲਾਤਾਂ 'ਤੇ ਕਾਬੂ ਪਾਇਆ ਜਾਵੇ।
ਪਬਲਿਕ ਇੰਕਵਾਇਰੀ ਦੌਰਾਨ ਰਾਸ਼ਟਰਪਤੀ ਜੋ ਬਾਈਡਨ ਦੇ ਨੈਸ਼ਨਲ ਇਕਨੌਮਿਕ ਕਾਉਂਸਿਲ ਦੇ ਡਾਇਰੈਕਟਰ, ਬ੍ਰਾਇਨ ਡੀਜ਼ ਨੇ ਆਖਿਆ ਸੀ ਕਿ ਉਨ੍ਹਾਂ ਕ੍ਰਿਸਟੀਆ ਫ੍ਰੀਲੈਂਡ ਨਾਲ ਇਸ ਮਾਮਲੇ 'ਚ 10 ਫਰਵਰੀ ਨੂੰ ਸੰਪਰਕ ਬਣਾਇਆ ਸੀ।
ਫ੍ਰੀਲੈਂਡ ਨੇ ਅੱਜ ਗਵਾਹੀ ਦੌਰਾਨ ਆਖਿਆ ਕਿ ਉਨ੍ਹਾਂ ਡੀਜ਼ ਨੂੰ ਭਰੋਸਾ ਦਵਾਉਣ 'ਤੇ ਕਾਫੀ ਸਮਾਂ ਗੁਜ਼ਾਰਿਆ ਸੀ ਕਿ ਕੈਨੇਡਾ ਇੱਕ ਭਰੋਸੇਯੋਗ ਟਰੇਡਿੰਗ ਪਾਰਟਨਰ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ ਦਾ ਰੈਪੂਟੇਸ਼ਨ ਚੁਣੌਤੀ ਦਾ ਸਾਹਮਣਾ ਕਰ ਰਿਹਾ ਸੀ ਅਤੇ ਪ੍ਰਦਰਸ਼ਨਕਾਰੀਆਂ ਦੇ ਅੰਬੈਸਡਰ ਬ੍ਰਿਜ 'ਤੇ ਪਹੁੰਚਣ ਨਾਲ ਇਹ ਚੁਣੌਤੀ ਹੋਰ ਵੀ ਵਿਸ਼ਾਲ ਹੋ ਗਈ ਸੀ।
ਉਨ੍ਹਾਂ ਕਿਹਾ ਕਿ ਇਹ ਪੁਲ ਕੈਨੇਡਾ ਅਤੇ ਅਮਰੀਕਾ ਵਿਚਾਲੇ ਦਾ ਸਭ ਤੋਂ ਵਿਅਸਤ ਟਰੇਡ ਰਸਤਾ ਹੈ।
