31.16C Vancouver 31.16C VancouverMar 5, 2020 6:32 PM -
ਸ਼ਹਿਰ ਦੇ ਉੱਤਰ-ਪੱਛਮੀ ਇਲਾਕੇ ਤੋਂ ਅਗਵਾ ਕੀਤੇ ਗਏ ਇੱਕ 14 ਸਾਲਾ ਮੁੰਡੇ ਦੀ ਭਾਲ ਵਾਸਤੇ ਟੋਰਾਂਟੋ ਪੁਲੀਸ ਵੱਲੋਂ ਐਂਬਰ ਅਲਰਟ ਜਾਰੀ ਕੀਤਾ ਗਿਆ ਹੈ।
ਪੁਲੀਸ ਮੁਤਾਬਕ ਉਹ ਸ਼ੰਮਾਹ ਜੋਲਾਯੈਮੀ ਦੀ ਸੁਰੱਖਿਆ ਨੂੰ ਲੈਕੇ ਕਾਫੀ ਚਿੰਤਤ ਹਨ।
ਉਸ ਨੂੰ ਆਖਰੀ ਵਾਰ, ਬੁਧਵਾਰ ਸਵੇਰ 8:25 ਵਜੇ ਜੇਨ ਸਟ੍ਰੀਟ ਅਤੇ ਡ੍ਰਿਫ੍ਟਵੁੱਡ ਐਵੇਨਿਊ ਤੇ’ ਦੇਖਿਆ ਗਿਆ ਸੀ।
ਜਾਂਚ ਕਰਤਾਵਾਂ ਮੁਤਾਬਕ ਇਲਾਕੇ ਵਿੱਚ ਇੱਕ ਕਾਲੇ ਰੰਗ ਦੀ ਜੀਪ ਰੈਂਗਲਰ ਦੇਖੀ ਗਈ ਸੀ ਜਿਸ ਦੇ ਅਗਲੇ ਟਾਇਰ ਬਹੁਤ ਵੱਡੇ ਸਨ ਅਤੇ ਗੋਲ ਫੌਗ ਲਾਈਟਾਂ ਲੱਗੀਆਂ ਸਨ।
ਲਾਇਸੈਂਸ ਪਲੇਟ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਇਸ ਸੰਬੰਧ ਵਿੱਚ ਲੜਕੇ ਦੇ ਸੌਤੇਲੇ ਭਰਾ ਨਾਲ ਵੀ ਗੱਲ ਕਰਨਾ ਚਾਹੁੰਦੇ ਹਨ।
ਸ਼ੰਮਾਹ ਦਾ ਕੱਦ, 6 ਫੁੱਟ, ਪਤਲਾ ਸ਼ਰੀਰ ਹੈ ਅਤੇ ਉਸ ਨੇ ਗਰੇ ਰੰਗ ਦੀ ਹੁੱਡੀ, ਸੰਤਰੀ ਸਟ੍ਰਾਈਪ ਵਾਲੀ ਗਰੇ ਟਰੈਕ ਪੈਂਟ, ਕਾਲਾ ਪਫੀ ਕੋਟ ਅਤੇ ਕਾਲੇ ਅਤੇ ਪੀਲੇ ਰੰਗ ਦੇ ਏਅਰ ਜੌਰਡਨ ਜੁੱਤੇ ਪਹਿਨੇ ਹੋਏ ਹਨ।
