17.23C Vancouver 17.23C VancouverDec 27, 2024 4:02 PM - The Canadian Press
ਬੀ.ਸੀ. ਵਿਚ ਅਮਰੀਕੀ ਪਾਲਤੂ ਭੋਜਨ ਨੂੰ ਬਰਡ ਫਲੂ ਕਾਰਨ ਵਾਪਸ ਮੰਗਵਾਇਆ ਗਿਆ ਹੈ। ਓਰੇਗਨ ਦੀ ਕੰਪਨੀ ਨੌਰਥਵੈਸਟ ਨੈਚੂਰਲ ਦਾ ਕਹਿਣਾ ਹੈ ਕਿ ਉਸ ਦੇ ਉਤਪਾਦ ਨਾਲ ਇੱਕ ਪਾਲਤੂ ਬਿੱਲੀ ਦੀ ਬਰਡ ਫਲੂ ਨਾਲ ਮੌਤ ਹੋਈ ਹੈ, ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਉਤਪਾਦ-ਬ੍ਰਿਟਿਸ਼ ਕੋਲੰਬੀਆ ਵਿਚ ਵੀ ਵੇਚੇ ਗਏ ਸਨ।
ਨੌਰਥਵੈਸਟ ਨੈਚੂਰਲ ਨੇ ਇੱਕ ਸਟੇਟਮੈਂਟ ਵਿਚ ਕਿਹਾ ਕਿ ਉਸ ਵਲੋਂ 1 ਕਿਲੋ ਵਾਲੇ ਫਿਲਿਨ ਟਰਕੀ ਵਿਅੰਜਨ ਕੱਚੇ ਜੰਮੇ ਹੋਏ ਪਾਲਤੂ ਜਾਨਵਰਾਂ ਦੇ ਭੋਜਨ ਲਈ ਰੀਕਾਲ ਨੋਟਿਸ ਜਾਰੀ ਕੀਤਾ ਗਿਆ ਹੈ, ਜਿਸ ਵਿਚ ਏਵੀਅਨ ਫਲੂ ਵਾਇਰਸ ਦੀ ਪੁਸ਼ਟੀ ਹੋਈ ਹੈ।
ਕੰਪਨੀ ਨੇ ਕਿਹਾ ਕਿ ਇਹੀ ਉਤਪਾਦ-ਕੈਲੀਫੋਰਨੀਆ, ਕੋਲੋਰਾਡੋ, ਵਾਸ਼ਿੰਗਟਨ ਸਮੇਤ ਕਈ ਰਾਜਾਂ ਵਿਚ ਵੇਚੇ ਗਏ ਸਨ। ਓਰੇਗਨ ਹੈਲਥ ਅਥਾਰਟੀ ਨੇ ਇਸ ਦੇ ਨਾਲ ਹੀ ਸਪੱਸ਼ਟ ਕੀਤਾ ਕਿ ਇਸ ਪਾਲਤੂ ਜਾਨਵਰ ਦੇ ਭੋਜਨ ਨਾਲ ਸਬੰਧਤ ਕੋਈ ਮਨੁੱਖੀ ਕੇਸ ਸਾਹਮਣੇ ਨਹੀਂ ਆਇਆ ਹੈ ਅਤੇ ਇਨਸਾਨਾਂ ਵਿਚ ਇਸ ਦੇ ਫੈਲਣ ਦਾ ਖ਼ਤਰਾ ਘੱਟ ਹੈ।
