14.32C Vancouver 14.32C VancouverJul 6, 2021 9:20 AM -
ਅਫ਼ਗ਼ਾਨਿਸਤਾਨ ਵਿੱਚ ਤਾਲੀਬਾਨ ਵੱਲੋਂ ਨਵੇਂ ਇਲਾਕਿਆਂ 'ਤੇ ਕਬਜ਼ਾ ਕਰਨ ਨਾਲ ਖ਼ਰਾਬ ਹੁੰਦੇ ਸੁਰੱਖਿਆ ਹਾਲਾਤ ਤੋਂ ਬਾਅਦ, ਭਾਰਤ ਆਪਣੇ ਨਾਗਰਿਕਾਂ ਅਤੇ ਅਧਿਕਾਰੀਆਂ ਨੂੰ ਜੰਗ ਛਿੜੇ ਮੁਲਕ ਵਿੱਚੋਂ ਵਾਪਸ ਬੁਲਾ ਰਿਹਾ ਹੈ।
2001 'ਚ ਯੂਐੱਸ ਦੇ ਹਮਲੇ ਤੋਂ ਬਾਅਦ, ਤਾਲੀਬਾਨ ਦੇ ਖ਼ਤਮ ਹੋਣ ਤੋਂ ਹੀ ਅਫ਼ਗ਼ਾਨਿਸਤਾਨ ਵਿੱਚ ਭਾਰਤ ਵੱਲੋਂ ਸਰਕਾਰ ਨੂੰ ਕਾਮਯਾਬੀ ਨਾਲ ਚਲਾਉਣ 'ਚ ਮਦਦ ਦਿੱਤੀ ਜਾ ਰਹੀ ਸੀ, ਜਿਸ ਵਿੱਚ ਉੱਤਰੀ ਗਠਜੋੜ ਦੇ ਮੈਂਬਰ ਸ਼ਾਮਲ ਹਨ, ਜੋ ਕਾਫ਼ੀ ਲੰਮਾ ਸਮਾਂ ਭਾਰਤ ਦੇ ਮਿੱਤਰ ਸਨ।
ਸਰਕਾਰੀ ਸੂਤਰਾਂ ਮੁਤਾਬਕ, "ਅਫ਼ਗ਼ਾਨ ਦੇ ਸੁਰੱਖਿਆ ਹਾਲਾਤ ਖ਼ਰਾਬ ਹੋਣ ਕਰਕੇ ਹੁਣ ਉੱਥੇ ਵੱਖੋ-ਵੱਖਰੇ ਹਿੱਸਿਆਂ ਵਿੱਚ ਰਹਿ ਰਹੇ ਸਾਡੇ ਨਾਗਰਿਕਾਂ ਅਤੇ ਅਧਿਕਾਰੀਆਂ ਨੂੰ ਵਾਪਸ ਲਿਆਉਣ ਦੀ ਯੋਜਨਾ 'ਤੇ ਵਿਚਾਰ ਕੀਤਾ ਗਿਆ ਹੈ ਅਤੇ ਇਸ ਲਈ ਬਹੁਤ ਸਾਰੀਆਂ ਏਜੰਸੀਆਂ ਇਸ 'ਤੇ ਵਿਚਾਰ-ਵਟਾਂਦਰਾ ਕਰ ਰਹੀਆਂ ਹਨ।"
ਕਾਬੁਲ ਵਿੱਚ ਭਾਰਤ ਦਾ ਸਫਾਰਤਖ਼ਾਨਾ ਹੈ, ਜਿਸਦੇ ਨਾਲ ਹੀ ਕੰਧਾਰ ਅਤੇ ਮਜ਼ਰ ਵਿੱਚ ਵੀ ਕੌਂਸਲੇਟ ਹਨ, ਜਿੱਥੇ 500 ਤੋਂ ਵੀ ਵੱਧ ਲੋਕ ਕੰਮ ਕਰਦੇ ਹਨ|
ਹੇਰਾਤ ਅਤੇ ਜਲਾਲਾਬਾਦ ਵਿਚਲੇ ਕੋਂਸਲੇਟਾਂ ਨੇ ਪਹਿਲਾਂ ਹੀ ਆਪਣਾ ਕੰਮ ਬੰਦ ਕਰ ਦਿੱਤਾ ਹੈ।
ਹਲੇ ਕਾਰਵਾਈ ਚਾਲੂ ਹੈ ਅਤੇ ਸਾਫ਼ ਤੌਰ 'ਤੇ ਨਹੀਂ ਆਖਿਆ ਜਾ ਸਕਦਾ ਕਿ ਸਾਰੇ ਹੀ ਲੋਕ ਪਰਤਣਗੇ, ਜਾਂ ਕੁਝ ਖ਼ਾਸ ਸਟਾਫ਼ ਉੱਥੇ ਅਫ਼ਗ਼ਾਨਿਸਤਾਨ ਵਿੱਚ ਰੁਕੇਗਾ।
ਸੂਤਰਾਂ ਮੁਤਾਬਕ, ਭਾਰਤੀ ਫ਼ੌਜ ਵਲੋਂ ਅਫ਼ਗ਼ਾਨ ਕੌਮੀ ਫ਼ੌਜੀਆਂ ਨੂੰ ਅਫ਼ਗ਼ਾਨਿਸਤਾਨ ਅਤੇ ਭਾਰਤ ਵਿੱਚ ਸਿਖਲਾਈ ਦੇਣ 'ਚ ਮਦਦ ਕੀਤੀ ਜਾ ਰਹੀ ਹੈ।
ਯੂਐੱਸ ਵੱਲੋਂ ਅਫ਼ਗ਼ਾਨਿਸਤਾਨ ਤੋਂ ਆਪਣੀ ਫ਼ੌਜ ਨੂੰ ਪੂਰੀ ਤਰਾਂ ਹਟਾਉਣ ਦੇ ਫ਼ੈਸਲੇ ਤੋਂ ਬਾਅਦ, ਤਾਲੀਬਾਨ ਲੜਾਕਿਆਂ ਵੱਲੋਂ ਬੜੀ ਹੀ ਤੇਜ਼ੀ ਨਾਲ ਨਵੇਂ ਜ਼ਿਲਿਆਂ 'ਤੇ ਕਬਜ਼ਾ ਕੀਤਾ ਜਾ ਰਿਹਾ ਹੈ ਅਤੇ ਅਫ਼ਗ਼ਾਨ ਦੀ ਸਰਕਾਰੀ ਫ਼ੌਜ ਵੀ ਕਈ ਥਾਵਾਂ ਤੋਂ ਭੱਜ ਰਹੀ ਹੈ।
ਅਫ਼ਗ਼ਾਨਿਸਤਾਨ ਤੋਂ ਮਿਲੀਆਂ ਖ਼ਬਰਾਂ ਮੁਤਾਬਕ, ਕੰਧਾਰ ਵਿੱਚ ਤਾਲਿਬਾਨ ਵੱਲੋਂ ਸ਼ਹਿਰ ਨੂੰ ਦੂਜੇ ਹਿੱਸਿਆਂ ਨਾਲ ਜੋੜਨ ਵਾਲੇ ਪੁਲ ਅਤੇ ਸੜਕਾਂ 'ਤੇ ਕਬਜ਼ਾ ਕਰ ਲਿਆ ਗਿਆ ਹੈ ਅਤੇ ਅਫ਼ਗ਼ਾਨੀ ਅਧਿਕਾਰੀ ਵੀ ਆਪਣੀ ਸੁਰੱਖਿਆ ਦੇ ਪ੍ਰਬੰਧ ਕਰ ਰਹੇ ਹਨ।
ਭਾਰਤ ਵੱਲੋਂ ਅਫ਼ਗ਼ਾਨਿਸਤਾਨ ਦੇ ਮੁੜ-ਵਿਕਾਸ ਲਈ ਵੱਡੇ ਪੱਧਰ 'ਤੇ ਕੰਮ ਕੀਤਾ ਗਿਆ ਹੈ ਅਤੇ ਜੰਗ-ਛਿੜੇ ਮੁਲਕ ਵਿੱਚ ਪਾਰਲੀਮੈਂਟ ਦੀ ਉਸਾਰੀ ਵਿੱਚ ਮਦਦ ਕੀਤੀ ਗਈ ਹੈ, ਜਿਸ ਵਿੱਚ ਅਹਿਮ ਸ਼ਹਿਰਾਂ ਨਾਲ ਜੁੜਨ ਲਈ ਸੜਕਾਂ ਦੀ ਉਸਾਰੀ ਵੀ ਸ਼ਾਮਲ ਹੈ।
ਵੱਡੇ ਪੱਧਰ 'ਤੇ ਅਫ਼ਗ਼ਾਨੀ ਲੋਕਾਂ ਨੂੰ ਵੱਖੋ-ਵੱਖਰੇ ਹੁਨਰਾਂ ਦੀ ਸਿਖਲਾਈ ਲਈ ਭਾਰਤ ਵੱਲੋਂ ਕਈ ਬਿਲੀਅਨ ਡਾਲਰ ਖ਼ਰਚੇ ਜਾ ਚੁੱਕੇ ਹਨ, ਤਾਂ ਜੋ ਅਫ਼ਗ਼ਾਨ ਕਰਮਚਾਰੀਆਂ ਦੀ ਯੋਗਤਾ ਹੋਰ ਵਧਾਈ ਜਾ ਸਕੇ।
