ਕੈਨੇਡਾ ਅਤੇ ਭਾਰਤ ਜਲਦ ਹੀ ਦੋ-ਪੱਖੀ ਵਪਾਰ ਅਤੇ ਨਿਵੇਸ਼'ਤੇ ਮੰਤਰੀ ਪੱਧਰ ਦੀ ਚਰਚਾ ਕਰਨਗੇ: ਅਨੀਤਾ ਆਨੰਦ

ਕੈਨੇਡਾ ਅਤੇ ਭਾਰਤ ਜਲਦ ਹੀ ਦੋ-ਪੱਖੀ ਵਪਾਰ ਅਤੇ ਨਿਵੇਸ਼'ਤੇ ਮੰਤਰੀ ਪੱਧਰ ਦੀ ਚਰਚਾ ਸ਼ੁਰੂ ਕਰਨਗੇ। ਇਹ ਸਹਿਮਤੀ ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਦੇ ਭਾਰਤ ਦੌਰੇ ਦੌਰਾਨ ਬਣੀ ਹੈ। ਉਨ੍ਹਾਂ ਸੋਮਵਾਰ ਨੂੰ ਨਵੀਂ ਦਿੱਲੀ ਵਿਚ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭਾਰਤੀ ਵਿਦੇਸ਼ ਮੰਤਰੀ ਐਸ.ਜੈਸ਼ੰਕਰ ਨਾਲ ਮੁਲਾਕਾਤ ਕੀਤੀ, ਜਿੱਥੇ ਦੋਵੇਂ ਮੁਲਕ ਕਾਨੂੰਨ ਦਾ ਰਾਜ,ਪ੍ਰਭੂਸੱਤਾ ਅਤੇ ਖੇਤਰੀ ਅਖੰਡਤਾ ਦੇ ਸਿਧਾਂਤਾਂ ਨੂੰ ਕਾਇਮ ਰੱਖਣ ਦੀ ਵਚਨਬੱਧਤਾ ਦੇ ਆਧਾਰ 'ਤੇ ਵਿਸ਼ਵ ਆਰਥਿਕ ਅਨਿਸ਼ਚਿਤਤਾ ਵਿਚਕਾਰ ਕੈਨੇਡਾ-ਭਾਰਤ ਦੇ ਸਬੰਧਾਂ ਨੂੰ ਅੱਗੇ ਵਧਾਉਣ ਲਈ ਰਾਜ਼ੀ ਹੋਏ। ਆਨੰਦ ਅਤੇ ਜੈਸ਼ੰਕਰ ਨੇ ਇਸ ਸੰਬੰਧੀ ਇੱਕ ਸਾਂਝਾ ਬਿਆਨ ਜਾਰੀ ਕੀਤਾ।

ਇਸ ਵਿਚ ਕੈਨੇਡਾ-ਭਾਰਤ ਵਿਚਕਾਰ ਸੀ. ਈ.ਓ. ਪੱਧਰ ਦੇ ਫੋਰਮ ਨੂੰ ਵੀ ਮੁੜ ਸ਼ੁਰੂ ਕਰਨਾ ਸ਼ਾਮਲ ਹੈ, ਦੋਵੇਂ ਦੇਸ਼ ਤੀਬਾੜੀ, ਵਿਗਿਆਨ ਅਤੇ ਤਕਨਾਲੋਜੀ, ਆਰਟੀਫੀਸ਼ੀਅਲ ਇੰਟੈਲੀਜੈਂਸੀ,critical minerals ਅਤੇ ਊਰਜਾ 'ਤੇ ਵੀ ਸਹਿਯੋਗ ਕਰਨਗੇ।

ਗੌਰਤਲਬ ਹੈ ਕਿ ਵਿਦੇਸ਼ ਮੰਤਰੀ ਵਜੋਂ ਅਨੀਤਾ ਆਨੰਦ ਦਾ ਇਹ ਪਹਿਲਾ ਭਾਰਤ ਦੌਰਾ ਸੀ। ਮਾਰਕ ਕਾਰਨੀ ਦੇ ਪੀ. ਐੱਮ. ਵਜੋਂ ਸੱਤਾ ਸੰਭਾਲਣ ਤੋਂ ਬਾਅਦ ਦੋਵੇਂ ਮੁਲਕਾਂ ਦੇ ਸਬੰਧ ਮੁੜ ਕਾਇਮ ਹੋਏ ਹਨ।