18.12C Vancouver 18.12C VancouverMar 4, 2026 4:49 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਵਲੋਂ ਭਾਰਤ ਨਾਲ ਵਪਾਰਕ ਰਿਸ਼ਤੇ ਮਜਬੂਤ ਕਰਨ ਦੇ ਨਾਲ-ਨਾਲ ਘਰੇਲੂ ਸੁਰੱਖਿਆ ਨਾਲ ਸਬੰਧਤ ਮੁੱਦਿਆਂ ਅਤੇ ਰੂਲ ਔਫ ਲਾਅ ਦੇ ਸਨਮਾਨ ਸਬੰਧੀ ਗੱਲਬਾਤ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਅੱਜ ਔਟਵਾ ਵਿਚ ਇੱਕ ਈਵੈਂਟ ਵਿਚ ਸ਼ਾਮਲ ਹੋਣ ਮੌਕੇ ਇਹ ਟਿੱਪਣੀ ਕੀਤੀ।
ਆਨੰਦ ਨੇ ਕਿਹਾ ਕਿ ਕੈਨੇਡਾ ਇੰਡੋ ਪੈਸੀਫਿਕ ਖੇਤਰ ਵਿਚ ਭਾਰਤ ਵਰਗੇ ਭਾਈਵਾਲਾਂ ਨਾਲ ਡਿਫੈਂਸ ਵਿਚ ਸਬੰਧਾਂ ਨੂੰ ਮਜਬੂਤ ਕਰ ਰਿਹਾ ਹੈ ਪਰ ਨਾਲ ਹੀ ਸਾਡੇ ਲਈ ਘਰੇਲੂ ਸੁਰੱਖਿਆ ਵਰਗੇ ਮੁੱਦੇ ਵੀ ਓਨੇ ਹੀ ਮਾਈਨੇ ਰੱਖਦੇ ਹਨ।
ਗੌਰਤਲਬ ਹੈ ਕਿ ਇਸ ਸਾਲ ਔਟਵਾ ਵਿਚ ਹੋ ਰਹੀ ਸਕਿਓਰਿਟੀ ਐਂਡ ਡਿਫੈਂਸ ਕਾਨਫਰੰਸ ਇਸ ਗੱਲ 'ਤੇ ਕੇਂਦ੍ਰਿਤ ਹੈ ਕਿ ਨੈਟੋ ਸਹਿਯੋਗੀ 2035 ਤੱਕ ਆਪਣੀ ਜੀ.ਡੀ.ਪੀ. ਦੇ ਪੰਜ ਫੀਸਦੀ ਦੇ ਬਰਾਬਰ ਮਿਲਟਰੀ 'ਤੇ ਖਰਚ ਕਰਨ ਦੇ ਵਾਅਦੇ ਨੂੰ ਕਿਵੇਂ ਪੂਰਾ ਕਰਨਗੇ। ਇਸ ਦੋ-ਰੋਜ਼ਾ ਕਾਨਫਰੰਸ ਦੇ ਬੁਲਾਰਿਆਂ ਵਿਚ ਕੈਨੇਡਾ ਦੀ ਰੱਖਿਆ ਮੁਖੀ ਜਨਰਲ ਜੇਨੀ ਕੈਰੀਗਨਨ ਵੀ ਸ਼ਾਮਲ ਹਨ।
