13.95C Vancouver 13.95C VancouverAug 12, 2020 3:34 PM -
ਐਂਡਰਿਊ ਸ਼ੀਅਰ ਦਾ ਅੱਜ ਹਾਊਸ ਆਫ ਕਾਮਨਜ਼ ਵਿੱਚ ਕੰਜ਼ਰਵੇਟਿਵ ਲੀਡਰ ਵਜੋਂ ਆਖਰੀ ਦਿਨ ਹੋ ਸਕਦਾ ਹੈ।
ਹੁਣ 26 ਅਗਸਤ ਨੂੰ ਹੋਣ ਜਾ ਰਹੀ ਅਗਲੀ ਬੈਠਕ ਪਾਰਟੀ ਮੈਂਬਰਾਂ ਵੱਲੋਂ ਨਵਾਂ ਲੀਡਰ ਚੁਣੇ ਜਾਣ ਤੋਂ ਬਾਅਦ ਹੋਣ ਦਾ ਅੰਦਾਜ਼ਾ ਹੈ।
2004 ਤੋਂ ਰਜਾਈਨਾ ਵਿੱਚ ਮੈਂਬਰ ਆਫ ਪਾਰਲੀਮੈਂਟ ਰਹਿਣ ਤੋਂ ਇਲਾਵਾ ਸ਼ੇਅਰ 2011 ਤੋਂ ਲੈ ਕੇ 2015 ਤੱਕ ਹਾਊਸ ਆਫ ਕਾਮਨਜ਼ ਦੇ ਸਪੀਕਰ ਸਨ।
2015 ਵਿੱਚ ਸਟੀਵਨ ਹਾਰਪਰ ਦੇ ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ਵਜੋਂ ਅਸਤੀਫੇ ਤੋਂ ਬਾਅਦ ਸ਼ੀਅਰ ਨੇ ਪਾਰਟੀ ਲੀਡਰ ਵਜੋਂ ਖੜੇ ਹੋਣ ਦਾ ਫੈਸਲਾ ਕੀਤਾ ਸੀ।
2017 ਵਿੱਚ ਮੈਕਸੀਮ ਬਰਨੀਏ ਨੂੰ ਹਰਾ ਕੇ ਉਹ ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ਚੁਣੇ ਗਏ ਸਨ।
2019 ਦੀਆਂ ਫੈਡਰਲ ਚੋਣਾਂ ਵਿੱਚ ਸ਼ੀਅਰ ਦੀ ਅਗਵਾਈ ਵਿੱਚ ਉਨ੍ਹਾਂ ਦੀ ਪਾਰਟੀ ਵਿਵਾਦਾਂ ਵਿੱਚ ਘਿਰੀ ਲਿਬਰਲ ਪਾਰਟੀ ਨੂੰ ਹਰਾਉਣ ਵਿੱਚ ਅਸਫ਼ਲ ਰਹੀ।
ਪਿਛਲੇ ਸਾਲ ਪਾਰਟੀ ਦੇ ਫੰਡਾਂ ਦੀ ਵਰਤੋਂ ਨੂੰ ਲੈ ਕੇ ਸ਼ੀਅਰ ‘ਤੇ ਕਈ ਸਵਾਲ ਖੜ੍ਹੇ ਕੀਤੇ ਜਾ ਰਹੇ ਸਨ।
ਉਨ੍ਹਾਂ ਉੱਤੇ ਪਾਰਟੀ ਦੇ ਪੈਸਿਆਂ ਦੀ ਵਰਤੋਂ ਆਪਣੇ ਬੱਚਿਆਂ ਦੀ ਪ੍ਰਾਇਵੇਟ ਸਕੂਲ ਦੀ ਪੜ੍ਹਾਈ ਲਈ ਕਰਨ ਦੇ ਦੋਸ਼ ਵੀ ਲਾਏ ਗਏ ਸਨ।
ਵਿਵਾਦਾਂ ਦੇ ਚਲਦਿਆਂ ਦਸੰਬਰ 2019 ਵਿੱਚ ਉਨ੍ਹਾਂ ਨੇ ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ਵਜੋਂ ਆਪਣਾ ਅਸਤੀਫਾ ਦੇ ਦਿੱਤਾ ਸੀ ਅਤੇ ਕਿਹਾ ਸੀ ਕਿ ਪਾਰਟੀ ਦਾ ਅਗਲਾ ਲੀਡਰ ਚੁਣੇ ਜਾਣ ਤੱਕ ਉਹ ਆਪਣੇ ਅਹੁਦੇ ਉੱਤੇ ਬਰਕਰਾਰ ਰਹਿਣਗੇ।
ਅਗਲੇ ਕੁਝ ਦਿਨਾਂ ਤੱਕ ਕੰਜ਼ਰਵੇਟਿਵ ਪਾਰਟੀ ਵੱਲੋਂ ਆਪਣਾ ਨਵਾਂ ਲੀਡਰ ਐਲਾਨੇ ਜਾਣ ਦੀ ਉਮੀਦ ਹੈ।
