12.62C Vancouver 12.62C VancouverSep 20, 2024 7:27 PM - Connect Newsroom
ਪੀ.ਐੱਮ. ਜਸਟਿਨ ਟਰੂਡੋ ਨੇ ਸਾਬਕਾ ਕੈਬਨਿਟ ਮਿਨਿਸਟਰ ਪਾਬਲੋ ਰੌਡਰੀਗੈਜ਼ ਦੀ ਜਗ੍ਹਾ ਭਾਰਤੀ ਮੂਲ ਦੀ ਅਨੀਤਾ ਆਨੰਦ ਨੂੰ ਟਰਾਂਸਪੋਰਟ ਮਿਨਿਸਟਰ ਨਿਯੁਕਤ ਕੀਤਾ ਹੈ। ਅਨੀਤਾ ਆਨੰਦ ਕੋਲ ਖਜ਼ਾਨਾ ਬੋਰਡ ਦੀ ਜ਼ਿੰਮੇਵਾਰੀ ਵੀ ਹੈ। ਇਸ ਤਰ੍ਹਾਂ ਉਹ ਸਰਕਾਰ ਵਿਚ ਦੋਹਰੀ ਜ਼ਿੰਮੇਵਾਰੀ ਸੰਭਾਲਣਗੇ।
ਸੂਤਰਾਂ ਮੁਤਾਬਕ, ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵਲੋਂ ਅਗਲੇ ਕੁਝ ਮਹੀਨਿਆਂ ਵਿਚ ਇੱਕ ਵਾਰ ਫਿਰ ਤੋਂ ਮੰਤਰੀ ਮੰਡਲ ਵਿਚ ਵੱਡਾ ਫੇਰਬਦਲ ਕੀਤੇ ਜਾਣ ਦੀ ਸੰਭਾਵਨਾ ਹੈ।
ਦੱਸ ਦੇਈਏ ਕਿ ਸਾਬਕਾ ਟਰਾਂਸਪੋਰਟ ਮਿਨਿਸਟਰ ਪਾਬਲੋ ਰੌਡਰੀਗੈਜ਼ ਪੀ. ਐੱਮ. ਜਸਟਿਨ ਟਰੂਡੋ ਦੇ ਕਿਊਬੈਕ ਲਈ ਰਾਜਨੀਤਿਕ ਲੈਫਟੀਨੈਂਟ ਵੀ ਸਨ।
ਹੁਣ ਇਸ ਭੂਮਿਕਾ ਵਿਚ ਜਨਤਕ ਸੇਵਾ ਮੰਤਰੀ ਜੀਨ-ਯਵੇਸ ਡੁਕਲੋਸ ਕੰਮ ਕਰਨਗੇ। ਡਕਲੋਸ ਕਿਊਬੈਕ ਸਿਟੀ ਤੋਂ ਐਮ.ਪੀ ਹਨ।
ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਅਨੀਤਾ ਆਨੰਦ ਨੇ ਰੌਡਰੀਗੈਜ਼ ਦਾ ਸਰਕਾਰ ਵਿਚ ਉਨ੍ਹਾਂ ਦੇ ਯੋਗਦਾਨ ਲਈ ਧੰਨਵਾਦ ਕੀਤਾ ਪਰ ਆਨੰਦ ਨੇ ਉਨ੍ਹਾਂ ਸਵਾਲਾਂ ਨੂੰ ਟਾਲ ਦਿੱਤਾ ਕਿ ਰੌਡਰੀਗੈਜ਼ ਦੇ ਜਾਣ ਨਾਲ ਲਿਬਰਲਸ 'ਤੇ ਕਿਸ ਤਰ੍ਹਾਂ ਦਾ ਰਾਜਨੀਤਕ ਅਸਰ ਹੋਵੇਗਾ।
ਗੌਰਤਲਬ ਹੈ ਕਿ ਪਾਬਲੋ ਰੌਡਰੀਗੈਜ਼ ਨੇ ਸਰਕਾਰ ਵਿਚ ਅਹੁਦਾ ਛੱਡਿਆ ਹੈ ਪਰ ਆਪਣੀ ਸੀਟ ਤੋਂ ਅਸਤੀਫਾ ਨਹੀਂ ਦਿੱਤਾ ਹੈ,ਇਸ ਲਈ ਆਜ਼ਾਦ ਐਮ.ਪੀ. ਵਜੋਂ ਹਾਊਸ ਵਿਚ ਬੈਠਣਗੇ।
