13.3C Vancouver 13.3C VancouverOct 26, 2021 10:24 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਨਵੇਂ ਕੈਬਿਨੇਟ ਦੇ ਮੰਤਰੀਆਂ ਨੇ ਅੱਜ ਮੀਡੀਆ ਨਾਲ ਗੱਲਬਾਤ ਕੀਤੀ ਹੈ।
ਇਸੇ ਦੌਰਾਨ ਦੇਸ਼ ਦੀ ਨਵੀਂ ਰੱਖਿਆ ਮੰਤਰੀ ਬਣਨ ਤੋਂ ਬਾਅਦ ਅਨੀਤਾ ਅਨੰਦ ਨੂੰ ਸਵਾਲ ਕੀਤਾ ਗਿਆ ਕਿ ਮਿਲਟਰੀ 'ਚ ਉੱਠੇ ਵਿਵਾਦਾਂ ਨੂੰ ਹੱਲ ਕਰਨ ਲਈ ਉਹ ਕੀ ਕਦਮ ਚੁੱਕਣ ਜਾ ਰਹੇ ਹਨ।
ਇਸ 'ਤੇ ਜਵਾਬ ਦਿੰਦੇ ਹੋਏ ਅਨੀਤਾ ਅਨੰਦ ਨੇ ਕਿਹਾ ਕਿ ਅਜੇ ਉਨ੍ਹਾਂ ਮੰਤਰਾਲਾ ਸੰਭਾਲਿਆ ਹੀ ਹੈ ਅਤੇ ਬਹੁਤ ਕੁਝ ਜਾਣਨਾ ਅਤੇ ਸਮਝਣਾ ਬਾਕੀ ਹੈ।
ਪਰ ਉਨ੍ਹਾਂ ਇਹ ਜਰੂਰ ਕਿਹਾ ਕਿ ਸਭ ਤੋਂ ਪਹਿਲਾਂ ਕੁਝ ਵਿਵਾਦਾਂ ਨਾਲ ਸੰਬੰਧਤ ਹੁਣ ਤਕ ਦੀਆਂ ਰਿਪੋਰਟਸ ਨੂੰ ਪੜ੍ਹਿਆ ਜਾਵੇਗਾ ਅਤੇ ਇੰਡੀਪੈਂਡੈਂਟ ਇੰਕਵਾਇਰੀ ਦੀਆਂ ਸਿਫਾਰਸ਼ਾਂ ਨੂੰ ਵੀ ਪੜ੍ਹਿਆ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਉਹ ਡਿਪਾਰਟਮੈਂਟ ਨੂੰ ਪੁੱਛਣਗੇ ਕਿ ਕਿਹੜੀਆਂ ਸਿਫਾਰਸ਼ਾਂ ਲਾਗੂ ਹੋ ਚੁੱਕੀਆਂ ਹਨ ਅਤੇ ਕਿਹੜੀਆਂ ਲਾਗੂ ਹੋਣਾ ਬਾਕੀ ਹੈ।
ਉਨ੍ਹਾਂ ਕਿਹਾ ਕਿ ਜਦ ਜਸਟਿਸ ਆਰਬੋਰ ਦੀ ਰਿਪੋਰਟ ਆਉਂਦੀ ਹੈ ਤਾਂ ਅਸੀਂ ਵੀ ਉਸ 'ਤੇ ਐਕਸ਼ਨ ਲਈ ਤਿਆਰ ਹੋਵਾਂਗੇ।
ਅਨੀਤਾ ਅਨੰਦ ਨੇ ਇਸ ਮੌਕੇ ਸਾਵਧਾਨ ਕੀਤਾ ਕਿ ਉਨ੍ਹਾਂ ਕੋਲ ਕੋਈ ਜਾਦੂ ਦੀ ਛੜੀ ਨਹੀਂ ਹੈ ਜਿਸ ਨਾਲ ਰਾਤੋ-ਰਾਤ ਮਸਲਿਆਂ ਨੂੰ ਹੱਲ ਕੀਤਾ ਜਾ ਸਕੇ।
ਹਾਲਾਂਕਿ ਉਨ੍ਹਾਂ ਭਰੋਸਾ ਦਵਾਇਆ ਕਿ ਰਿਪੋਰਟਸ ਦੀਆਂ ਸਿਫਾਰਸ਼ਾਂ ਅਨੁਸਾਰ ਫੈਸਲੇ ਲਏ ਜਾਣਗੇ ਅਤੇ ਐਕਸ਼ਨ ਤੁਰੰਤ ਹੋਣਗੇ।
