16.21C Vancouver 16.21C VancouverOct 16, 2020 9:36 PM -
ਸਾਲਾਨਾ ਫਲੂ ਵੈਕਸੀਨੇਸ਼ਨ ਮੁਹਿੰਮ ਦੀ ਸ਼ੁਰੂਆਤ ਹੋ ਗਈ ਹੈ।
ਫਰੇਜ਼ਰ ਅਤੇ ਵੈਨਕੂਵਰ ਕੋਸਟਲ ਹੈਲਥ ਅਧਿਕਾਰੀਆਂ ਨੇ ਬੀ.ਸੀ. ਦੇ ਨਿਵਾਸੀਆਂ ਨੂੰ ਯਾਦ ਦਵਾਇਆ ਹੈ ਕਿ ਇਸ ਸਾਲ ਫਲੂ ਸ਼ੌਟ ਇਸਲਈ ਵੀ ਜ਼ਰੂਰੀ ਹੈ ਕਿ ਕੋਵਿਡ-19 ਦਾ ਖਤਰਾ ਬਣਿਆ ਹੋਇਆ ਹੈ।
ਫਰੇਜ਼ਰ ਹੈਲਥ ਨੇ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਅੱਜ ਕੀਤੀ ਹੈ, ਜਦਕਿ ਵੈਨਕੂਵਰ ਕੋਸਟਲ ਹੈਲਥ ਦਾ ਕਹਿਣਾ ਹੈ ਕਿ ਇਸ ਸੰਬੰਧੀ ਕਲੀਨਿਕ, ਮਹੀਨੇ ਦੇ ਅੰਤ ਤੱਕ ਖੁੱਲ੍ਹ ਜਾਣਗੇ, ਜਦਕਿ ਫ਼ਿਲਹਾਲ ਫੈਮਿਲੀ ਡਾਕਟਰਾਂ, ਲੋਕਲ ਫਾਰਮੇਸਿਸਟਸ, ਵਾਕ-ਇਨ ਕਲੀਨਿਕਸ ਅਤੇ ਪਬਲਿਕ ਹੈਲਥ ਇੰਫਲੂਐਂਜ਼ਾ ਕਲੀਨਿਕਸ 'ਚ ਇਹ ਉਪਲਬਧ ਹਨ।
ਬੀ.ਸੀ. ਦੇ ਕਲੀਨਿਕਸ ਅਤੇ ਫਾਰਮੇਸੀਆਂ ਦੀ ਜਾਣਕਾਰੀ, 'ਇਮਯੁਨਾਈਜ਼ ਬੀ.ਸੀ. ਡਾਟ ਸੀ.ਏ. ਦੀ ਵੈਬਸਾਈਟ 'ਤੇ ਉਪਲਬਧ ਹੈ।
ਕਿਸੇ ਨੂੰ ਸ਼ੌਟ ਦੀ ਲੋੜ ਹੈ, ਤਾਂ ਉਨ੍ਹਾਂ ਨੂੰ ਪਹਿਲਾਂ ਹੀ ਬੁਕਿੰਗ ਕਰਵਾਉਣ ਦੀ ਸਲਾਹ ਦਿੱਤੀ ਗਈ ਹੈ।
ਇਹ ਫਲੂ ਸ਼ੌਟਸ, 6 ਮਹੀਨੇ ਤੋਂ 4 ਸਾਲ ਦੇ ਵਿਚਾਲੇ ਦੀ ਉਮਰ ਦੇ ਬੱਚਿਆਂ ਲਈ ਮੁਫਤ ਹਨ।
65 ਸਾਲ ਤੋਂ ਵਧੇਰੇ ਉਮਰ ਦੇ ਲੋਕ, ਗਰਭਵਤੀ ਔਰਤਾਂ, ਇੰਡੀਜਨਸ ਲੋਕ ਅਤੇ ਕ੍ਰੋਨਿਕ ਬਿਮਾਰੀਆਂ ਜਾਂ ਹੋਰ ਸਿਹਤ ਸੰਬੰਧੀ ਚੁਣੌਤੀਆਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਲਈ, ਇਹ ਸ਼ੌਟਸ ਮੁਫਤ ਉਪਲਬਧ ਹਨ।
