12.38C Vancouver 12.38C VancouverDec 23, 2021 9:40 PM - The Canadian Press
ਬੀ.ਸੀ. ਦੇ ਪੋਲਟਰੀ ਅਤੇ ਆਂਡੇ ਦੇ ਉਤਪਾਦਕਾਂ ਲਈ ਇੱਕ ਹੋਰ ਚੁਣੌਤੀ ਦਸਤਕ ਦਿੰਦੀ ਵਿਖਾਈ ਦੇ ਰਹੀ ਹੈ।
ਨਿਊਫਿਨਲੈਂਡ ਦੇ ਇੱਕ ਫਾਰਮ 'ਤੇ H5N1 ਏਵੀਅਨ ਫਲੂ ਦੇ ਮਾਮਲੇ ਰਿਪੋਰਟ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਕਨੇਡੀਅਨ ਪੋਲਟਰੀ ਅਤੇ ਐੱਗ ਪ੍ਰੋਸੈਸਰਸ ਕਾਉਂਸਿਲ ਦੇ ਪ੍ਰਧਾਨ ਨੇ ਆਖਿਆ ਹੈ ਕਿ ਕੈਨੇਡਾ ਭਰ ਦੇ ਮੈਂਬਰਾਂ ਨੂੰ ਇਸ ਮਾਮਲੇ ਦੀ ਪੁਸ਼ਟੀ ਤੋਂ ਬਾਅਦ ਚੇਤਾਵਨੀ ਦਿੱਤੀ ਗਈ ਹੈ।
ਮੈਂਬਰਾਂ ਨੂੰ ਆਖਿਆ ਗਿਆ ਹੈ ਕਿ ਬਿਮਾਰੀ ਦੇ ਲੱਛਣਾਂ ਦਾ ਧਿਆਨ ਰੱਖਿਆ ਜਾਵੇ।
ਨਿਊਫਿਨਲੈਂਡ 'ਚ ਉਤਪਾਦਕਾਂ ਵੱਲੋਂ ਵਧੇਰੇ ਬਾਇਓਸਿਕਿਉਰਿਟੀ ਕਦਮਾਂ ਦਾ ਧਿਆਨ ਰੱਖਿਆ ਜਾ ਰਿਹਾ ਹੈ ਤਾਂ ਜੋ ਇਸ ਫਲੂ ਦੇ ਫੈਲਾਅ ਨੂੰ ਰੋਕਿਆ ਜਾ ਸਕੇ।
ਮੈਥਿਊ ਮਿਲਰ ਨੇ ਇਸ ਸਥਿਤੀ ਨੂੰ ਚਿੰਤਾਜਨਕ ਦੱਸਿਆ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਭਰੋਸਾ ਦਵਾਇਆ ਗਿਆ ਹੈ ਕਿ ਮਾਮਲਿਆਂ ਦੀ ਪਛਾਣ ਇੱਕ ਐਗਜ਼ੀਬਿਸ਼ਨ ਫਾਰਮ 'ਤੇ ਹੋਈ ਹੈ ਅਤੇ ਫਿਲਹਾਲ ਕਿਸੇ ਕਮਰਸ਼ਲ ਫਾਰਮ 'ਤੇ ਅਜਿਹੇ ਮਾਮਲੇ ਸਾਹਮਣੇ ਨਹੀਂ ਆਏ।
ਇਸ ਦਾ ਅਰਥ ਹੈ ਕਿ ਹਾਲ ਦੀ ਘੜੀ ਕੈਨੇਡਾ ਨੂੰ ਏਵੀਅਨ ਫਲੂ ਤੋਂ ਮੁਕਤ ਮੰਨਿਆ ਜਾ ਰਿਹਾ ਹੈ।
