ਬੀ.ਸੀ. ਦੇ ਸਿਡਨੀ ਨੇੜੇ ਲੱਗੇ ਭੂਚਾਲ ਦੇ ਝਟਕੇ

ਬੀ.ਸੀ. ਦੇ ਸਿਡਨੀ ਤੋਂ 42 ਕਿਲੋਮੀਟਰ ਈਸਟ ਵਿਚ ਅੱਜ ਸਵੇਰ ਭੂਚਾਲ ਨਾਲ ਧਰਤੀ ਹਿਲ ਗਈ, ਜਿਸ ਦੇ ਹਲਕੇ ਝਟਕੇ ਵਿਕਟੋਰੀਆ ਅਤੇ ਵੈਨਕੂਵਰ ਦੇ ਆਸਪਾਸ ਵੀ ਮਹਿਸੂਸ ਕੀਤੇ ਗਏ। ਭੂਚਾਲ ਕੈਨੇਡਾ ਮੁਤਾਬਕ, ਭੂਚਾਲ 4.1 ਤੀਬਰਤਾ ਸੀ, ਜੋ ਸਵੇਰ 5 ਵਜੇ ਦੇ ਕਰੀਬ ਮਹਿਸੂਸ ਕੀਤਾ ਗਿਆ, ਇਹ ਵਾਸ਼ਿੰਗਟਨ ਦੇ ਓਰਕਾਸ ਟਾਪੂ ਕੋਲ ਆਇਆ, ਜੋ ਵੈਨਕੂਵਰ ਅਤੇ ਸਿਆਟਲ ਵਿਚਕਾਰ ਹੈ।

ਏਜੰਸੀ ਦਾ ਕਹਿਣਾ ਹੈ ਕਿ ਭੂਚਾਲ ਵਿਕਟੋਰੀਆ ਅਤੇ ਵੈਨਕੂਵਰ ਦੇ ਆਲੇ-ਦੁਆਲੇ ਹਲਕੇ ਤੌਰ 'ਤੇ ਮਹਿਸੂਸ ਕੀਤਾ ਗਏ ਅਤੇ ਸਵੇਰੇ 6 ਵਜੇ ਤੱਕ 1,500 ਦੇ ਕਰੀਬ ਲੋਕਾਂ ਨੇ ਭੂਚਾਲ ਕੈਨੇਡਾ ਨੂੰ ਭੂਚਾਲ ਮਹਿਸੂਸ ਹੋਣ ਦੀ ਸੂਚਨਾ ਦਿੱਤੀ।

ਗੌਰਤਲਬ ਹੈ ਕਿ ਇਹ ਹਾਲ ਹੀ ਦੇ ਹਫ਼ਤਿਆਂ ਵਿੱਚ ਦੱਖਣ-ਪੱਛਮੀ ਬੀ.ਸੀ. ਵਿੱਚ ਤੀਜਾ ਭੂਚਾਲ ਹੈ। ਇਸ ਤੋਂ ਪਹਿਲਾਂ 21 ਫਰਵਰੀ ਨੂੰ ਸਿਆਟਲ ਨੇੜੇ 4.7 ਤੀਬਰਤਾ ਅਤੇ 13 ਫਰਵਰੀ ਨੂੰ ਵਿਕਟੋਰੀਆ ਨੇੜੇ 3.8 ਤੀਬਰਤਾ ਦਾ ਭੂਚਾਲ ਆਇਆ ਸੀ।