13.61C Vancouver 13.61C VancouverJan 12, 2022 10:53 PM - The Canadian Press
ਬੀ.ਸੀ. ਦੇ ਜੌਬਸ ਅਤੇ ਇਕਨਾਮਿਕ ਰਿਕਵਰੀ ਮੰਤਰੀ, ਰਵੀ ਕਾਹਲੋਂ ਦਾ ਕਹਿਣਾ ਹੈ ਕਿ ਸੂਬੇ 'ਚ ਪੈਂਡੈਮਿਕ ਸੰਬੰਧੀ ਪਬੰਦੀਆਂ ਕਾਰਨ ਪ੍ਰਭਾਵਿਤ ਹੋਏ ਵਪਾਰਾਂ ਲਈ ਮਦਦ ਪ੍ਰਦਾਨ ਕਰਨ ਵਾਲਾ ਪ੍ਰੋਗਰਾਮ ਸ਼ੁਰੂ ਹੋ ਗਿਆ ਹੈ।
ਰਵੀ ਕਾਹਲੋਂ ਨੇ ਕਿਹਾ ਕਿ 'ਕੋਵਿਡ-19 ਕਲੋਜ਼ਰ ਰਿਲੀਫ ਗ੍ਰਾਂਟ' ਪ੍ਰੋਗਰਾਮ ਨੂੰ ਫਾਸਟ-ਟਰੈਕ ਢੰਗ ਨਾਲ ਲਾਗੂ ਕੀਤਾ ਗਿਆ ਹੈ ਅਤੇ ਉਨ੍ਹਾਂ ਵਪਾਰਾਂ ਦੀਆਂ ਅਰਜੀਆਂ ਲੈਣ ਲਈ ਤਿਆਰ ਹੈ, ਜਿੰਨਾ ਨੂੰ ਨਵੀਆਂ ਪਬਲਿਕ ਹੈਲਥ ਪਬੰਦੀਆਂ ਕਾਰਨ ਟੈਂਪਰੇਰੀ ਪੱਧਰ 'ਤੇ ਬੰਦ ਕਰਨਾ ਪਿਆ ਹੈ।
ਬੀ.ਸੀ. 'ਚ 22 ਦਿਸੰਬਰ ਤੋਂ ਜਾਰੀ ਨਿਰਦੇਸ਼ਾਂ ਤੋਂ ਬਾਅਦ ਕੁਝ ਬਾਰਜ਼, ਨਾਈਟਕਲੱਬਸ, ਲਾਉਂਜ, ਜਿੰਮ, ਫਿਟਨੈਸ ਅਤੇ ਐਡਲਟ ਡਾਂਸ ਸੈਂਟਰ ਅਤੇ ਕੁਝ ਈਵੈਂਟ ਵੈਨਿਊਸ ਨੂੰ ਬੰਦ ਕਰਨਾ ਪਿਆ ਸੀ।
ਅਜਿਹੇ ਵਪਾਰ ਹੁਣ $1,000 ਤੋਂ $10,000 ਤਕ ਦੀ ਗ੍ਰਾਂਟ ਲਈ ਅਪਲਾਈ ਕਰ ਸਕਦੇ ਹਨ।
ਕਿਸੇ ਵੀ ਵਪਾਰ ਲਈ ਕੁੱਲ ਗ੍ਰਾਂਟ, ਉਸ ਵਪਾਰ ਦੇ ਕਰਮਚਾਰੀਆਂ ਦੀ ਗਿਣਤੀ 'ਤੇ ਨਿਰਭਰ ਕਰੇਗੀ।
ਸੂਬੇ ਦਾ ਅਨੁਮਾਨ ਹੈ ਕਿ ਇਸ ਵਿੱਤੀ ਮਦਦ ਦਾ ਲਾਭ 3,000 ਤੋਂ ਵਧੇਰੇ ਵਪਾਰਾਂ ਨੂੰ ਹਾਸਿਲ ਹੋ ਸਕੇਗਾ।
