18.19C Vancouver 18.19C VancouverDec 11, 2020 11:18 PM -
ਨੌਰਥ ਸ਼ੋਰ ਸਰਚ ਅਤੇ ਰੈਸਕਿਊ ਦਾ ਕਹਿਣਾ ਹੈ ਕਿ ਇੱਕ ਪਾਈਲਟ ਪ੍ਰੋਜੈਕਟ ਨੂੰ ਮਨਜ਼ੂਰੀ ਮਿਲ ਗਈ ਹੈ।
ਇਸ 'ਚ 'ਨਾਈਟ ਵਿਜ਼ਨ ਇਮੇਜਿੰਗ ਸਿਸਟਮ' ਨੂੰ ਹੋਂਦ 'ਚ ਲਿਆਂਦਾ ਜਾਵੇਗਾ।
ਇਸ ਨਾਲ ਰਾਤ ਦੇ ਸਮੇਂ ਜਾਂ ਘੱਟ ਚਾਨਣ ਦੇ ਸਮੇਂ ਭਾਲ ਅਤੇ ਬਚਾਅ ਕਾਰਜਾਂ 'ਚ ਮਦਦ ਮਿਲ ਸਕੇਗੀ।
ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ ਨੇ ਦੱਸਿਆ ਕਿ ਕਿਸੇ ਵੋਲੰਟੀਅਰ ਸਰਚ ਗਰੁੱਪ ਲਈ ਇਹ ਕੈਨੇਡਾ 'ਚ ਅਰੰਭਿਆ ਜਾ ਰਿਹਾ, ਆਪਣੇ ਕਿਸਮ ਦਾ ਪਹਿਲਾ ਪ੍ਰੋਜੈਕਟ ਹੈ।
ਗਰੁੱਪ ਵੱਲੋਂ ਹੈਲੀਕਾਪਟਰ 'ਨਾਈਟ ਵਿਜ਼ਨ ਗੌਗਲਸ' ਦੀ ਵਰਤੋਂ ਕੀਤੀ ਜਾਵੇਗੀ, ਤੇ ਇਸ ਨਾਲ ਏਰੀਅਲ ਭਾਲ ਅਤੇ ਟ੍ਰਾਂਸਪੋਰਟੇਸ਼ਨ 'ਚ ਮਦਦ ਮਿਲੇਗੀ।
ਹੁਣ ਤੱਕ ਇਸ ਤਕਨੀਕ ਨੂੰ ਪੁਲਿਸ ਅਤੇ ਮਿਲਟਰੀ ਤੱਕ ਸੀਮਤ ਰੱਖਿਆ ਗਿਆ ਸੀ।
