ਕੈਨੇਡਾ ਦੀ ਫੌਜ ‘ਚ ਸੈਕਸਸ਼ੁਲ ਕੰਡੱਕਟ ਸਾਬਕਾ ਜੱਜ ਵੱਲੋਂ ਪੇਸ਼ ਕੀਤੀ ਗਈ ਰਿਪੋਰਟ

ਕੈਨੇਡਾ ਦੀ ਫੌਜ ਚ ਸੈਕਸਸ਼ੁਲ ਕੰਡੱਕਟ ਨੇ ਲੈ ਕੇ ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਵੱਲੋਂ ਪੇਸ਼ ਕੀਤੀ ਗਈ ਰਿਪੋਰਟ ਚ ਕਈ ਖ਼ੁਲਾਸੇ ਕੀਤੇ ਗਏ ਹਨ।

ਰਿਪੋਰਟ ਚ ਕਿਹਾ ਗਿਆ ਹੈ ਕਿ ਹੁਣ ਵਕਤ ਆ ਗਿਆ ਹੈ ਕਿ ਕੈਨੇਡੀਅਨ ਆਰਮਡ ਫੋਰਸਸ ਨੂੰ ਉਨ੍ਹਾਂ ਦੇ ਮੈਂਬਰਾਂ ਖ਼ਿਲਾਫ਼ ਚੱਲ ਰਹੀ ਸੈਕਸਸ਼ੁਲ ਕੰਡੱਕਟ ਦੀ ਜਾਂਚ ਤੋਂ ਆਪਣੇ ਆਪ ਨੂੰ ਸਦਾ ਲਈ ਅਲੱਗ ਕਰ ਲੈਣਾ ਚਾਹੀਦਾ ਹੈ। ਇਸ ਰਿਪੋਰਟ ਉੱਪਰ ਲਗਭਗ ਇੱਕ ਸਾਲ ਤੋਂ ਕੰਮ ਕਰਨ ਤੋਂ ਬਾਅਦ, ਲੂਇਸ ਅਰਬਰ ਨੇ ਆਪਣੀ ਰਿਪੋਰਟ ਚ ਸਿਫ਼ਾਰਿਸ਼ ਕੀਤੀ ਕਿ ਫੌਜ ਦੇ ਅਧਿਕਾਰੀਆਂ ਉੱਪਰ ਸੈਕਸਸ਼ੁਲ ਅਸਾਲਟ ਦੇ ਆਰੋਪਾਂ ਦੀ ਜਾਂਚ ਸਿਵਲ ਪੁਲਿਸ ਅਤੇ ਕੋਰਟ ਨੂੰ ਕਰਨੀ ਚਾਹੀਦੀ ਹੈ।

ਇਸ 400 ਪੰਨਿਆਂ ਦੀ ਰਿਪੋਰਟ ਚ ਕਿਹਾ ਗਿਆ ਹੈ ਕਿ ਅਦਾਰੇ ਨੂੰ ਇੰਨੀ ਨਿਮਰਤਾ ਦਿਖਾਉਣੀ ਚਾਹੀਦੀ ਹੈ ਕਿ ਉਹ ਬਹਾਰੀ ਮਦਦ ਨੂੰ ਸਵੀਕਾਰ ਕਰ ਸਕੇ। ਸਾਰਥਿਕ ਬਦਲਾਵਾਂ ਲਈ ਸਿਆਸੀ ਸੰਕਲਪ ਅਤੇ ਅਸੈਨਿਕ ਲੋਗ ਜੋ ਮਿਲਟਰੀ ਦੇ ਕੰਮ ਕਾਰ ਦੇਖਦੇ ਹਨ ਉਨ੍ਹਾਂ ਨੂੰ ਦ੍ਰਿੜ੍ਹਤਾ ਦਿਖਾਉਣੀ ਪਾਏਗੀ। ਫੌਜ ‘ਚ ਸੈਕਸਸ਼ੁਲ ਕੰਡੱਕਟ ਦੇ ਇਲਜ਼ਾਮਾਂ ਦੀ ਜਾਂਚ ਸਿਵਲੀਅਨ ਕੋਰਟ ਤੋਂ ਕਰਾਉਣ ਦੀ ਮੰਗ ਪਿਛਲੇ ਕਾਫ਼ੀ ਦਹਾਕਿਆਂ ਤੋਂ ਕੀਤੀ ਜਾ ਰਹੀ ਹੈ।