13.52C Vancouver 13.52C VancouverFeb 7, 2025 6:48 PM - The Canadian Press
ਵੈਨਕੂਵਰ ਪੁਲਿਸ ਨੇ ਇੱਕ ਕੈਨੇਡਾ ਭਰ ਵਿੱਚ ਲੋੜੀਂਦੇ ਸ਼ੱਕੀ ਨੂੰ ਘੇਰਾ ਪਾ ਕੇ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਨੇ ਕਿਹਾ ਕਿ ਇੱਕ ਵੀਪੀਡੀ ਸਾਰਜੈਂਟ ਬੀਤੀ ਸ਼ਾਮ 7 ਵਜੇ ਦੇ ਕਰੀਬ ਡਾਊਨਟਾਊਨ ਕੋਰ ਵਿਚ ਗਸ਼ਤ ਕਰ ਰਿਹਾ ਸੀ ਜਦੋਂ ਇੱਕ ਚਸ਼ਮਦੀਦ ਗਵਾਹ ਨੇ ਅਧਿਕਾਰੀ ਨੂੰ ਸੀਮੌਰ ਅਤੇ ਨੈਲਸਨ ਸਟ੍ਰੀਟ ਨੇੜੇ ਇੱਕ ਰਿਹਾਇਸ਼ੀ ਇਮਾਰਤ ਵਿਚ ਬੰਦੂਕ ਨਾਲ ਇੱਕ ਆਦਮੀ ਨੂੰ ਦਾਖਲ ਹੋਣ ਦੀ ਜਾਣਕਾਰੀ ਦਿੱਤੀ।
ਇਸ ਮਗਰੋਂ 25 ਤੋਂ ਵੱਧ ਪੁਲਿਸ ਅਧਿਕਾਰੀ ਸ਼ੱਕੀ ਦੀ ਭਾਲ ਲਈ ਮੌਕੇ ’ਤੇ ਭੇਜੇ ਗਏ ਅਤੇ ਰਾਤ 9 ਵਜੇ ਦੇ ਕਰੀਬ 30 ਸਾਲਾ ਸ਼ੱਕੀ ਨੂੰ ਇੱਕ ਟੈਕਸੀ ਵਿਚ ਕਈ ਹੋਰਾਂ ਨਾਲ ਲੱਭਿਆ ਗਿਆ, ਇਸ ਦੌਰਾਨ ਉਸ ਨੇ ਆਤਮ ਸਮਰਪਣ ਕਰਨ ਤੋਂ ਇਨਕਾਰ ਕਰ ਦਿੱਤਾ ਅਤੇ ਅਧਿਕਾਰੀਆਂ ਦੇ ਨਿਰਦੇਸ਼ਾਂ ਦੀ ਪਾਲਣਾ ਨਹੀਂ ਕੀਤੀ, ਜਿਸ ਕਾਰਨ ਉਸ ਦੀ ਗ੍ਰਿਫਤਾਰੀ ਲਈ ਪੁਲਿਸ ਡਾਗ ਅਤੇ ਰਬੜ ਦੀਆਂ ਘੱਟ-ਘਾਤਕ ਗੋਲੀਆਂ ਦੀ ਵਰਤੋਂ ਕੀਤੀ ਗਈ।
ਪੁਲਿਸ ਨੇ ਉਸ ’ਤੇ ਚਾਰਿਜਜ਼ ਪੈਂਡਿੰਗ ਹੋਣ ਕਾਰਨ ਨਾਮ ਦਾ ਖੁਲਾਸਾ ਨਹੀਂ ਕੀਤਾ ਪਰ ਕਿਹਾ ਕਿ ਉਹ ਇਸ ਵੇਲੇ ਜੇਲ੍ਹ ਵਿਚ ਹੈ।
