13.46C Vancouver 13.46C VancouverApr 24, 2025 7:04 PM - Connect Newsroom
ਸਰੀ ਵਿਚ ਦੋ ਲੋਕਾਂ ਨੂੰ ਜਿਨਸੀ ਸ਼ੋਸ਼ਣ ਅਤੇ ਜ਼ਬਰਨ ਬੰਧਕ ਬਣਾਉਣ ਦੇ ਕਥਿਤ ਮਾਮਲੇ ਵਿਚ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਉਨ੍ਹਾਂ 'ਤੇ ਕਈ ਚਾਰਜਿਜ਼ ਲਗਾਏ ਗਏ ਹਨ। ਇਹ ਕਾਰਵਾਈ ਕਲੋਵਰਡੇਲ ਇਲਾਕੇ ਦੇ 19400 ਬਲਾਕ ਵਿਚ ਪੈਂਦੇ ਇੱਕ ਘਰ ਵਿਚ 30 ਮਾਰਚ ਨੂੰ ਹੋਈ ਘਟਨਾ ਦੇ ਸਬੰਧ ਵਿਚ ਕੀਤੀ ਗਈ ਹੈ।
ਮੁਲਜ਼ਮਾਂ ਦੇ ਨਾਮ ਗ੍ਰੈਗਰੀ ਫਿਲਿਪ ਜੋਲੀਕੋਅਰ ਅਤੇ ਕੋਲਟਿਨ ਚਾਰਲਸ ਲਿਪਸ ਦੱਸੇ ਗਏ ਹਨ। ਜੋਲੀਕੋਅਰ ਪੁਲਿਸ ਹਿਰਾਸਤ ਵਿਚ ਹੈ ਅਤੇ 6 ਮਈ ਨੂੰ ਉਸ ਦੀ ਸਰੀ ਦੀ ਅਦਾਲਤ ਵਿਚ ਪੇਸ਼ੀ ਹੋਣੀ ਹੈ। ਲਿਪਸ ਨੂੰ 25 ਅਪ੍ਰੈਲ ਨੂੰ ਸਰੀ ਵਿਚ ਉਸ ਦੀ ਅਗਲੀ ਅਦਾਲਤ ਵਿਚ ਪੇਸ਼ੀ ਤੱਕ ਸਖਤ ਜ਼ਮਾਨਤ ਸ਼ਰਤਾਂ ਤਹਿਤ ਹਿਰਾਸਤ ਤੋਂ ਰਿਹਾਅ ਕਰ ਦਿੱਤਾ ਗਿਆ ਸੀ।
ਉਥੇ ਹੀ, ਪੀੜਤ ਦਾ ਨਾਮ ਅਤੇ ਪਛਾਣ ਗੋਪਨਿਯਤਾ ਦਾ ਹਵਾਲਾ ਦਿੰਦੇ ਹੋਏ ਜਨਤਕ ਨਹੀਂ ਕੀਤਾ ਗਿਆ ਹੈ। ਮੁਲਜ਼ਮਾਂ 'ਤੇ ਹਮਲਾ, ਜਿਨਸੀ ਸ਼ੋਸ਼ਣ ਅਤੇ ਬੰਧਕ ਬਣਾਉਣ ਦੇ ਸਬੰਧ ਵਿਚ ਚਾਰਜਿਜ਼ ਹਨ।
