18.76C Vancouver 18.76C VancouverApr 12, 2022 7:25 PM - Connect News
ਟੋਰੌਂਟੋ 'ਚ ਇੱਕ ਸਬਵੇ ਸਟੇਸ਼ਨ 'ਤੇ ਗੋਲੀ ਚੱਲਣ ਦੀ ਵਾਰਦਾਤ 'ਚ ਇੱਕ ਅੰਤਰਰਾਸ਼ਟਰੀ ਵਿਦਿਆਰਥੀ ਦੀ ਮੌਤ ਹੋ ਗਈ ਸੀ।
ਪੀੜਤ ਨੌਜਵਾਨ ਦੀ ਪਛਾਣ ਭਾਰਤ ਦੇ ਕਾਰਤਿਕ ਵਾਸੁਦੇਵ ਵਜੋਂ ਹੋਈ ਸੀ।
ਇਸ ਮਾਮਲੇ 'ਚ ਹੁਣ ਇੱਕ ਵਿਅਕਤੀ 'ਤੇ ਦੋਸ਼ ਲੱਗੇ ਹਨ।
ਟੋਰੌਂਟੋ ਪੁਲਿਸ ਦਾ ਕਹਿਣਾ ਹੈ ਕਿ 39 ਸਾਲਾ ਰਿਚਰਡ ਐਡਵਿਨ 'ਤੇ ਫਰਸਟ ਡਿਗਰੀ ਕਤਲ ਦੇ 2 ਦੋਸ਼ ਲੱਗੇ ਹਨ।
ਪੁਲਿਸ ਨੇ ਦੋਵਾਂ ਕਤਲ ਦੇ ਮਾਮਲਿਆਂ ਨੂੰ 'ਰੈਂਡਮ' ਵਾਰਦਾਤਾਂ ਦੱਸਿਆ ਹੈ।
ਸ਼ਹਿਰ ਦੇ ਵਿੱਚ 48 ਘੰਟੇ ਵਿਚਾਲੇ ਇਨ੍ਹਾਂ ਦੋਵਾਂ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਗਿਆ ਸੀ।
7 ਅਪ੍ਰੈਲ ਨੂੰ ਸ਼ਾਮ ਕਰੀਬ 5 ਵਜੇ ਸ਼ੈਰਬੋਰਨ ਸਟੇਸ਼ਨ ਦੀ ਗਲੈਨ ਰੋਡ ਐਂਟਰੈਂਸ 'ਤੇ ਗੋਲੀ ਚੱਲੀ ਸੀ।
ਇਸ ਦੌਰਾਨ 21 ਸਾਲਾ ਕਾਰਤਿਕ ਵਾਸੁਦੇਵ ਦੀ ਮੌਤ ਹੋ ਗਈ ਸੀ।
ਕਾਰਤਿਕ ਵਾਸੁਦੇਵ ਲਈ ਸੋਮਵਾਰ ਨੂੰ ਇੱਕ ਵਿਜਿਲ ਦਾ ਵੀ ਪ੍ਰਬੰਧ ਕੀਤਾ ਗਿਆ।
ਇਸ ਦੌਰਾਨ ਉਸ ਨੂੰ ਇੱਕ ਮਹਿਨਤੀ ਵਿਦਿਆਰਥੀ ਅਤੇ ਚੰਗੇ ਇਨਸਾਨ ਵਜੋਂ ਯਾਦ ਕੀਤਾ ਗਿਆ।
ਉਹ ਸੈਨੇਕਾ ਕਾਲਿਜ ਤੋਂ ਮਾਰਕੀਟਿੰਗ ਦੀ ਪੜ੍ਹਾਈ ਕਰ ਰਿਹਾ ਸੀ।
ਟੋਰੌਂਟੋ ਪੁਲਿਸ ਅਨੁਸਾਰ 9 ਅਪ੍ਰੈਲ ਨੂੰ ਵੀ ਸ਼ਾਮ ਕਰੀਬ 7 ਵਜੇ ਇੱਕ ਸ਼ੂਟਿੰਗ ਦੀ ਵਾਰਦਾਤ ਵਾਪਰੀ ਸੀ ਅਤੇ ਇਸ ਦੌਰਾਨ 35 ਸਾਲਾ ਐਲਿਜਾਹ ਐਲੇਆਜਾਰ ਮਾਹੇਪਾਥ ਦੀ ਮੌਤ ਹੋ ਗਈ ਸੀ।
ਜਾਂਚ ਅਧਿਕਾਰੀਆਂ ਨੇ ਦੱਸਿਆ ਕਿ ਜਦ ਐਡਵਿਨ ਦੇ ਘਰ ਛਾਪਾ ਮਾਰਿਆ ਗਿਆ ਤਾਂ ਉਸ ਦੇ ਬਰਾਬਰ ਕਈ ਭਰੀਆਂ ਹੋਈਆਂ ਬੰਦੂਕਾਂ ਖਿੰਡੀਆਂ ਮਿਲੀਆਂ।
ਹਾਲਾਂਕਿ ਇਸ ਵਿਅਕਤੀ ਦਾ ਕੋਈ ਕ੍ਰਿਮੀਨਲ ਰਿਕਾਰਡ ਨਹੀਂ ਹੈ ਅਤੇ ਕਥਿਤ ਤੌਰ 'ਤੇ ਉਸ ਕੋਲ ਮੌਜੂਦ ਹਥਿਆਰ ਕਨੂੰਨੀ ਤੌਰ 'ਤੇ ਸਹੀ ਸਨ।
