ਦੱਖਣੀ ਬੀਸੀ 'ਚ ਅੱਜ ਹੋਵੇਗੀ ਭਾਰੀ ਬਾਰਿਸ਼,ਵਾਤਾਵਰਣ ਕੈਨੇਡਾ ਵੱਲੋਂ ਅਲਰਟ ਜਾਰੀ

ਦੱਖਣੀ ਬੀਸੀ ਦੇ ਜ਼ਿਆਦਾਤਰ ਹਿੱਸੇ ਵਿੱਚ ਭਾਰੀ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ ਕਿਉਂਕਿ ਵਾਤਾਵਰਣ ਅਤੇ ਜਲਵਾਯੂ ਤਬਦੀਲੀ ਕੈਨੇਡਾ ਵੱਲੋਂ ਸੋਮਵਾਰ ਤੋਂ ਇਕ ਸ਼ਕਤੀਸ਼ਾਲੀ ਅਤੇ ਪ੍ਰਭਾਵਸ਼ਾਲੀ ਤੂਫਾਨ ਦੇ ਆਉਣ ਦੀ ਭਵਿੱਖਬਾਣੀ ਕੀਤੀ ਗਈ ਹੈ।

ਐਤਵਾਰ ਨੂੰ ਇੱਕ ਸਪੈਸ਼ਲ ਵੈਦਰ ਸਟੇਟਮੈਂਟ ਜਾਰੀ ਕੀਤੀ ਗਈ ਜਿਸ ਵਿੱਚ ਮੈਟਰੋ ਵੈਨਕੂਵਰ, ਫਰੇਜ਼ਰ ਵੈਲੀ, ਵਿਸਲਰ, ਸੀ ਟੂ ਸਕਾਈ ਹਾਈਵੇ, ਵੈਸਟ ਵੈਨਕੂਵਰ ਆਈਲੈਂਡ, ਇਨਲੈਂਡ ਵੈਨਕੂਵਰ ਆਈਲੈਂਡ ਅਤੇ ਸਨਸ਼ਾਈਨ ਕੋਸਟ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਐਤਵਾਰ ਨੂੰ ਇਸ ਸਟੇਟਮੈਂਟ ਨੂੰ ਬਾਰਿਸ਼ ਦੀ ਚਿਤਾਵਨੀ ਵਿੱਚ ਬਦਲ ਦਿੱਤਾ ਗਿਆ ਸੀ।

ਮੌਸਮ ਵਿਭਾਗ ਦਾ ਕਹਿਣਾ ਹੈ ਕਿ ਇੱਕ ਵਾਯੂਮੰਡਲ ਨਦੀ ਕਾਰਨ ਸੋਮਵਾਰ ਅਤੇ ਮੰਗਲਵਾਰ ਨੂੰ ਬਹੁਤ ਜ਼ਿਆਦਾ ਬਾਰਿਸ਼ ਅਤੇ ਜ਼ਿਅਦਾ ਉਚਾਈ 'ਤੇ ਬਰਫਬਾਰੀ ਹੋਵੇਗੀ ਕਿਉਂਕਿ ਤੂਫਾਨ ਦੱਖਣੀ ਬੀਸੀ ਵੱਲ ਅੱਗੇ ਵਧੇਗਾ। ਵਾਤਾਵਰਣ ਅਤੇ ਜਲਵਾਯੂ ਤਬਦੀਲੀ ਕੈਨੇਡਾ ਨੇ ਚਿਤਾਵਨੀ ਦਿੱਤੀ ਹੈ ਕਿ ਆਉਣ ਵਾਲੀ ਬਾਰਿਸ਼ ਕਾਰਨ ਹੜ੍ਹ ਅਤੇ ਜ਼ਮੀਨ ਖਿਸਕਣ ਦਾ ਵੀ ਖਤਰਾ ਹੈ। ਸਟੇਟਮੈਂਟ ਵਿੱਚ ਇਹ ਵੀ ਕਿਹਾ ਗਿਾ ਹੈ ਕਿ ਇਹ ਤੂਫਾਨ ਨਵੰਬਰ 2021 ਦੇ ਤੂਫਾਨ ਨਾਲੋਂ ਕਮਜ਼ੋਰ ਹੋਵੇਗਾ ਜਿਸ ਨਾਲ ਭਾਰੀ ਨੁਕਸਾਨ ਹੋਇਆ ਸੀ।

ਪੱਛਮੀ ਵੈਨਕੂਵਰ ਆਈਲੈਂਡ 'ਤੇ 150 ਮਿਲੀਮੀਟਰ ਬਾਰਿਸ਼ ਹੋਵੇਗੀ। ਮੈਟਰੋ ਵੈਨਕੂਵਰ ਦੇ ਬਾਕੀ ਹਿੱਸਿਆਂ ਵਿੱਚ ਮੰਗਲਵਾਰ ਸਵੇਰੇ ਤੂਫਾਨ ਦੇ ਘੱਟ ਹੋਣ ਤੋਂ ਪਹਿਲਾਂ ਅੱਜ 70 ਮਿਲੀਮੀਟਰ ਤੱਕ ਮੀਂਹ ਪੈ ਸਕਦਾ ਹੈ।