17.99C Vancouver 17.99C VancouverJul 15, 2021 1:09 AM -
ਬੀ.ਸੀ. 'ਚ ਸੂਬਾ ਸਰਕਾਰ ਵੱਲੋਂ ਐਂਬੂਲੈਂਸ ਸਿਸਟਮ 'ਚ ਸੁਧਾਰ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਇਹ ਪੁਖਤਾ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਇਹ ਸਿਸਟਮ ਵਧੇਰੇ ਤੇਜ਼ ਅਤੇ ਵਧੇਰੇ ਰਿਸਪਾਂਸਿਵ ਸਾਬਿਤ ਹੋ ਸਕੇ।
ਤੇਜ਼ੀ ਨਾਲ ਹੋ ਰਹੀ ਡਿਮਾਂਡ ਦੀ ਤਬਦੀਲੀ 'ਤੇ ਖਰਾ ਉਤਰਨ ਵਾਲਾ ਸਿਸਟਮ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਅੱਜ ਇਸ ਸੰਬੰਧ ਵਿੱਚ ਕੁਝ ਐਲਾਨ ਕੀਤੇ।
ਉਨ੍ਹਾਂ ਕਿਹਾ ਕਿ ਜਦ ਅਸੀਂ ਮਦਦ ਦੇ ਲਈ ਕਾਲ ਕਰੀਏ ਤਾਂ ਸਾਡੇ ਲਈ ਇਹ ਪਤਾ ਹੋਣਾ ਜ਼ਰੂਰੀ ਹੈ ਕਿ ਮਦਦ ਪਹੁੰਚ ਰਹੀ ਹੈ ਅਤੇ ਜਲਦੀ ਪਹੁੰਚ ਰਹੀ ਹੈ।
ਐਂਬੂਲੈਂਸ ਸਰਵਿਸ ਦੀ ਡਾਇਰੈਕਟ ਲੀਡਰਸ਼ਿਪ ਨੂੰ ਪੁਖਤਾ ਕਰਨ ਲਈ ਡਿਕਸ ਵੱਲੋਂ ਐਮਰਜੈਂਸੀ ਹੈਲਥ ਸਰਵਿਸਿਸ ਦੇ ਬੋਰਡ ਆਫ ਡਾਇਰੈਕਟਰਸ ਨੂੰ ਰੀ-ਕੌਂਸਟੀਟਿਊਟ ਕੀਤਾ ਜਾ ਰਿਹਾ ਹੈ।
ਹੁਣ ਇਹਨਾਂ ਦਾ ਮੁੱਖ ਉਦੇਸ਼ ਐਂਬੂਲੈਂਸ ਸੇਵਾਵਾਂ 'ਤੇ ਧਿਆਨ ਕੇਂਦਰਿਤ ਕਰਨ ਦਾ ਹੋਵੇਗਾ।
ਡਿਕਸ ਨੇ ਐਲਾਨ ਕੀਤਾ ਕਿ ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਦੇ ਸਾਬਕਾ ਚੀਫ਼ ਕਾਂਸਟੇਬਲ ਜਿਮ ਚੂ ਨੂੰ ਬੋਰਡ ਦਾ ਮੁਖੀ ਬਣਾਇਆ ਜਾ ਰਿਹਾ ਹੈ।
ਉਨ੍ਹਾਂ ਦੱਸਿਆ ਕਿ ਸੂਬੇ 'ਚ 85 ਫੁੱਲ ਟਾਈਮ ਪੈਰਾਮੈਡਿਕਸ ਨੂੰ ਹਾਇਰ ਕੀਤਾ ਜਾਵੇਗਾ।
ਇਸ ਤੋਂ ਇਲਾਵਾ 30 ਫੁੱਲ ਟਾਈਮ ਡਿਸਪੈਚਰ ਅਤੇ 22 ਨਵੀਆਂ ਐਂਬੂਲੈਂਸ ਲਿਆਂਦੀਆਂ ਜਾਣਗੀਆਂ।
ਐਮਰਜੈਂਸੀ ਡਿਪਾਰਟਮੈਂਟਸ ਵਿੱਚ ਪਹੁੰਚ ਰਹੇ ਮਰੀਜ਼ਾਂ ਲਈ ਵਧੇਰੇ ਸਟਾਫ਼ ਦੀ ਨਿਯੁਕਤੀ ਦਾ ਵੀ ਐਲਾਨ ਕੀਤਾ ਗਿਆ ਹੈ।
