15.78C Vancouver 15.78C VancouverFeb 13, 2021 1:43 AM -
ਬੀ.ਸੀ. ਸਰਕਾਰ ਨੇ 4 ਹੋਰ ਕਮਿਊਨਿਟੀਸ 'ਚ ਸਿੰਗਲ ਯੂਜ਼ ਪਲਾਸਟਿਕ ਬੈਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਸਰੀ, ਨਨਾਈਮੋ, ਰੌਸਲੈਂਡ ਅਤੇ ਐਸਕੀਮਾਲਟ ਦੇ ਇਲਾਕਿਆਂ 'ਚ ਪਬੰਦੀ ਦਾ ਐਲਾਨ ਕੀਤਾ ਗਿਆ ਹੈ।
ਇਸ ਤੋਂ ਪਹਿਲਾਂ ਸੂਬੇ ਦੇ ਵਿਕਟੋਰੀਆ, ਰਿਚਮੰਡ, ਸਾਨਿਚ ਅਤੇ ਟੋਫੀਨੋ ਜਿਹੇ ਇਲਾਕਿਆਂ 'ਚ ਸਿੰਗਲ ਯੂਜ਼ ਪਲਾਸਟਿਕ ਬੈਨ ਲਾਗੂ ਕੀਤਾ ਗਿਆ ਸੀ।
ਇਸ ਦੇ ਨਾਲ ਸ਼ੌਪਿੰਗ ਬੈਗਸ ਅਤੇ ਟੇਕਆਊਟ ਕੰਟੇਨਰਾਂ ਜਿਹੇ ਵਿਅਰਥ ਜਾਣ ਵਾਲੇ ਪਦਾਰਥਾਂ ਤੋਂ ਬਚਾਅ ਕਰਨ ਲਈ ਬੈਨ ਲਗਾਇਆ ਗਿਆ ਹੈ।
ਐਨਵਾਇਰਨਮੈਂਟ ਮੰਤਰੀ ਜੌਰਜ ਹੇਮਨ ਨੇ ਕਿਹਾ ਕਿ ਬੀ.ਸੀ. ਨੇ ਲੋਕਲ ਸਰਕਾਰ ਨੂੰ ਸਿੰਗਲ ਯੂਜ਼ ਪਲਾਸਟਿਕ ਬੈਨਸ ਨੂੰ ਲਾਗੂ ਕਰਨ ਲਈ ਇਜਾਜ਼ਤ ਦੇਣ ਵਾਲੇ ਰੈਗੂਲੇਸ਼ਨਾਂ 'ਤੇ ਕੰਮ ਕਰਨਾ ਜਾਰੀ ਰੱਖਿਆ ਹੈ।
ਉਨ੍ਹਾਂ ਕਿਹਾ ਕਿ ਇਸ ਫੈਸਲੇ ਦਾ ਟੀਚਾ ਪਲਾਸਟਿਕ ਦੀ ਵਰਤੋਂ ਨੂੰ ਘਟਾਉਣਾ, ਡਿਪਾਜ਼ਿਟ ਰਿਫੰਡ ਸਿਸਟਮ ਨੂੰ ਐਕਸਪੈਂਡ ਕਰਨਾ ਅਤੇ ਉਤਪਾਦਕਾਂ ਦੀ ਵਧੇਰੀ ਜ਼ਿੰਮੇਵਾਰੀ ਨਿਰਧਾਰਿਤ ਕਰਨਾ ਹੈ।
ਸਰੀ ਦੇ ਮੇਅਰ ਡਗ ਮੈਕੁਲਮ ਦਾ ਕਹਿਣਾ ਹੈ ਕਿ ਸਿਟੀ ਦਾ ਪਲਾਸਟਿਕ ਚੈਕਆਊਟ ਬੈਗਸ ਨੂੰ ਬੈਨ ਕਰਨ ਅਤੇ ਫੋਮ ਕੱਪ ਅਤੇ ਟੇਕਆਊਟ ਕੰਟੇਨਰਸ 'ਤੇ ਰੋਕ ਲਗਾਉਣ ਦਾ ਕਨੂੰਨ ਪਾਸ ਹੋਣ ਨਾਲ ਹੁਣ ਇਸ ਪਲੈਨ 'ਤੇ ਅੱਗੇ ਵਧਣਾ ਸੌਖਾ ਹੋ ਗਿਆ ਹੈ।
