19.47C Vancouver 19.47C VancouverJan 30, 2025 6:23 PM - The Canadian Press
ਬੀ. ਸੀ. ਦੀ ਡੇਵਿਡ ਈਬੀ ਸਰਕਾਰ ਨੇ ਸ਼ਨੀਵਾਰ ਨੂੰ ਕੈਨੇਡਾ ’ਤੇ ਸੰਭਾਵਿਤ ਟੈਰਿਫ ਲਾਗੂ ਹੋਣ ਦੇ ਮੱਦੇਨਜ਼ਰ ‘ਵਾਰ ਰੂਮ’ ਨਾਮ ਨਾਲ ਬੀ. ਸੀ. ਦੀ ਇੱਕ ਨਵੀਂ ਕੈਬਨਿਟ ਕਮੇਟੀ ਦਾ ਗਠਨ ਕੀਤਾ ਹੈ, ਜਿਸ ਦੇ ਪ੍ਰਮੁੱਖ ਰਵੀ ਕਾਹਲੋਂ ਬਣਾਏ ਗਏ ਹਨ।
ਕਾਹਲੋਂ ਦਾ ਕਹਿਣਾ ਹੈ ਕਿ ਅਮਰੀਕਾ ਅਤੇ ਕੈਨੇਡਾ ਵਿਚਕਾਰ ਸਬੰਧ ਮੂਲ ਰੂਪ ਵਿਚ ਬਦਲ ਗਏ ਹਨ ਭਾਵੇਂ ਰਾਸ਼ਟਰਪਤੀ ਟਰੰਪ ਵਲੋਂ ਕੈਨੇਡੀਅਨ ਸਮਾਨ ’ਤੇ ਟੈਰਿਫ ਲਗਾਉਣ ਦੀ ਧਮਕੀ ਸ਼ਨੀਵਾਰ ਨੂੰ ਅਮਲ ਵਿਚ ਆਵੇ ਜਾਂ ਨਾ। ਰਵੀ ਕਾਹਲੋਂ, ਜੋ ਕਿ ਬੀ.ਸੀ. ਦੇ ਹਾਊਸਿੰਗ ਮਿਨਿਸਟਰ ਵੀ ਹਨ, ਉਨ੍ਹਾਂ ਕਿਹਾ ਕਿ ਸੂਬਾ ਆਰਥਿਕਤਾ ਵਿਚ ਵਿਭਿੰਨਤਾ ਲਿਆਉਣ ਅਤੇ ਅਮਰੀਕਾ ’ਤੇ ਨਿਰਭਰਤਾ ਘਟਾਉਣ ਲਈ ਕੰਮ ਕਰੇਗਾ।
ਉਨ੍ਹਾਂ ਕਿਹਾ ਕਿ ਅਸੀਂ 4 ਸਾਲ ਤੱਕ ਟਰੰਪ ਪ੍ਰਸ਼ਾਸਨ ਵਲੋਂ ਲਗਾਤਾਰ ਆਉਣ ਵਾਲੀਆਂ ਧਮਕੀਆਂ ਨਾਲ ਨਹੀਂ ਰਹਿ ਸਕਦੇ। ਕਾਹਲੋਂ ਨੇ ਕਿਹਾ ਕਿ ਸੂਬਾ ਹੋਰ ਵਪਾਰਕ ਭਾਈਵਾਲ ਤਲਾਸ਼ਣ, ਪੈਸੀਫਿਕ ਖੇਤਰ ਵਿਚ ਸਬੰਧਾਂ ਨੂੰ ਮਜਬੂਤ ਕਰਨ ਅਤੇ ਸਥਾਨਕ ਪੱਧਰ ’ਤੇ ਫੂਡ ਪ੍ਰੋਡਕਸ਼ਨ ਵਧਾਉਣ ’ਤੇ ਫੋਕਸ ਕਰੇਗਾ।
