16.4C Vancouver 16.4C VancouverSep 14, 2023 7:29 PM - Connect News
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਖੇਡ ਦੇ ਮੈਦਾਨਾਂ, ਸਪਰੇਅ ਪੂਲ, ਵੈਡਿੰਗ ਪੂਲ ਅਤੇ ਸਕੇਟ ਪਾਰਕਾਂ 'ਤੇ ਗੈਰ-ਕਾਨੂੰਨੀ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ।
ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਕੁਝ ਜਨਤਕ ਥਾਵਾਂ ਜਿੱਥੇ ਪਰਿਵਾਰ ਅਤੇ ਬੱਚੇ ਇਕੱਠੇ ਹੁੰਦੇ ਹਨ ਉੱਥੇ 'ਤੇ ਗੈਰ-ਕਾਨੂੰਨੀ ਨਸ਼ੀਲੇ ਪਦਾਰਥਾਂ ਨੂੰ ਰੱਖਣ ਤੇ ਵਰਤਣ 'ਤੇ ਪਾਬੰਦੀ ਲਗਾਉਣ ਲਈ ਹੈਲਥ ਕੈਨੇਡਾ ਤੋਂ ਮਨਜ਼ੂਰੀ ਮਿਲੀ ਗਈ ਹੈ।
ਵੀਰਵਾਰ ਨੂੰ ਇੱਕ ਬਿਆਨ ਵਿੱਚ ਮਾਨਸਿਕ ਸਿਹਤ ਅਤੇ ਨਸ਼ਾਖੋਰੀ ਮੰਤਰਾਲੇ ਦਾ ਕਹਿਣਾ ਹੈ ਕਿ 18 ਸਤੰਬਰ ਤੋਂ ਇਹ ਪਾਬੰਦੀ ਲਾਗੂ ਹੋਵੇਗੀ।
ਖੇਡ ਦੇ ਮੈਦਾਨ, ਵੈਡਿੰਗ ਪੂਲ ਜਾਂ ਸਕੇਟ ਪਾਰਕ ਦੇ 15 ਮੀਟਰ ਦੇ ਅੰਦਰ ਨਸ਼ੀਲੇ ਪਦਾਰਥਾਂ ਨੂੰ ਰੱਖਣਾ ਗੈਰ-ਕਾਨੂੰਨੀ ਹੋਵੇਗੀ।
ਪੁਲਿਸ ਬੀ.ਸੀ. ਦੇ ਅਜਿਹੇ ਖੇਤਰਾਂ ਵਿੱਚ ਨਿਯੰਤਰਿਤ ਡਰੱਗਜ਼ ਅਤੇ ਸਬਸਟੈਂਸ ਐਕਟ ਨੂੰ ਲਾਗੂ ਕਰਨ ਦੇ ਯੋਗ ਹੋਵੇਗੀ, ਭਾਵੇਂ ਕਿ ਫੈਡਰਲ ਸਰਕਾਰ ਨੇ ਸੂਬੇ ਨੂੰ ਛੇ ਮਹੀਨੇ ਪਹਿਲਾਂ ਡਰੱਗ ਕਾਨੂੰਨ ਵਿੱਚ ਛੋਟ ਦਿੱਤੀ ਸੀ।
ਇਸ ਦੌਰਾਨ ਮੇਅਰ ਕੇਨ ਸਿਮ ਨੇ ਕਿਹਾ ਕਿ ਇਸ ਕਦਮ ਨਾਲ ਪਰਿਵਾਰ ਇਹਨਾਂ ਜਨਤਕ ਥਾਵਾਂ 'ਤੇ ਸੁਰੱਖਿਅਤ ਮਹਿਸੂਸ ਕਰਨਗੇ। ਮੰਤਰੀ ਜੈਨੀਫਰ ਵ੍ਹਾਈਟਸਾਈਡ ਨੇ ਕਿਹਾ ਉਨ੍ਹਾਂ ਨੇ ਹੈਲਥ ਕੈਨੇਡਾ ਤੋਂ ਇਸ ਸੋਧ ਦੀ ਬੇਨਤੀ ਕੀਤੀ ਸੀ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਜ਼ਹਿਰੀਲੇ-ਨਸ਼ੇ ਦੇ ਸੰਕਟ ਨਾਲ ਲੜਨ ਅਤੇ ਜਾਨਾਂ ਬਚਾਉਣ ਲਈ ਅਸੀਂ ਤਿਆਰ ਰਹੀਏ।
