ਵਿੱਤ ਮੰਤਰੀ ਬ੍ਰੇਂਡਾ ਬੇਲੀ ਅੱਜ ਸੂਬੇ ਦਾ ਬਜਟ ਕਰਨਗੇ ਪੇਸ਼

ਬੀ.ਸੀ. ਦੀ ਵਿੱਤ ਮੰਤਰੀ ਬ੍ਰੇਂਡਾ ਬੇਲੀ ਅੱਜ ਸੂਬੇ ਦਾ ਬਜਟ ਪੇਸ਼ ਕਰਨ ਜਾ ਰਹੇ ਹਨ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਸੂਬੇ ਦੀ ਅਰਥਵਿਵਸਥਾ ਨੂੰ ਸਥਿਰ ਅਤੇ ਮਜਬੂਤ ਕਰਨ 'ਤੇ ਵਿਸ਼ੇਸ਼ ਫੋਕਸ ਕੀਤਾ ਜਾਵੇਗਾ, ਨਾਲ ਹੀ ਅਮਰੀਕਾ ਦੇ ਭਾਰੀ ਟੈਰਿਫ ਦੇ ਮੱਦੇਨਜ਼ਰ ਸੂਬੇ 'ਤੇ ਕਰਜ਼ ਵਧਣ ਅਤੇ ਬਜਟ ਘਾਟਾ ਹੋਰ ਵੀ ਵਧਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।

ਬਿਜ਼ਨਸ ਕੌਂਸਲ ਆਫ ਬੀ.ਸੀ. ਦੇ ਨੀਤੀ ਨਿਰਦੇਸ਼ਕ ਜੈਰੋ ਯੂਨਿਸ ਦਾ ਕਹਿਣਾ ਹੈ ਕਿ ਸੂਬਾ ਸਰਕਾਰ ਇਹ ਸਭ ਤੋਂ ਮੁਸ਼ਕਲ ਬਜਟ ਹੋਣ ਵਾਲਾ ਹੈ। ਸਭ ਦੀ ਨਜ਼ਰ ਟੈਰਿਫ ਨਾਲ ਸੂਬੇ ਦੇ ਰੈਵੇਨਿਊ ਅਤੇ ਨੌਕਰੀਆਂ 'ਤੇ ਪੈਣ ਵਾਲੇ ਅਨੁਮਾਨਾਂ 'ਤੇ ਹੋਵੇਗੀ।

ਯੂਨਿਸ ਦਾ ਕਹਿਣਾ ਹੈ ਕਿ ਸਰਕਾਰ ਨੂੰ ਨੌਕਰੀਆਂ ਨੂੰ ਸੁਰੱਖਿਆ ਦੇਣ ਲਈ ਕਾਰਜ ਯੋਜਨਾ ਬਣਾਉਣੀ ਹੋਵੇਗੀ, ਖਾਸ ਤੌਰ 'ਤੇ ਪ੍ਰਾਈਵੇਟ ਸੈਕਟਰ ਲਈ ਜਿੱਥੇ ਪੰਜ ਸਾਲਾਂ ਵਿਚ ਵਿਕਾਸ ਹੌਲੀ ਰਿਹਾ ਹੈ। ਗੌਰਤਲਬ ਹੈ ਕਿ ਪਿਛਲੀਆਂ ਸੂਬਾਈ ਚੋਣਾਂ ਦੌਰਾਨ ਬੀਸੀ ਐਨਡੀਪੀ ਨੇ ਇਸ ਸਾਲ ਦਾ ਬਜਟ ਘਾਟਾ 6.7 ਬਿਲੀਅਨ ਡਾਲਰ ਤੋਂ ਵੱਧ ਕੇ 9.6 ਬਿਲੀਅਨ ਡਾਲਰ ਹੋਣ ਦਾ ਅਨੁਮਾਨ ਲਗਾਇਆ ਸੀ।