9.46C Vancouver 9.46C VancouverMar 9, 2021 2:47 AM -
ਅੱਜ ਸਵੇਰੇ ਬੀ.ਸੀ. 'ਚ ਕਾਲ-ਸੈਂਟਰਾਂ 'ਚ ਫੋਨ-ਕਾਲਸ ਦਾ ਹੜ੍ਹ ਆ ਗਿਆ।
ਇਹ ਕਾਲਸ ਕੋਵਿਡ-19 ਵੈਕਸੀਨੇਸ਼ਨ ਹਾਸਿਲ ਕਰਨ ਲਈ ਬੁਕਿੰਗ ਲਈ ਆ ਰਹੀਆਂ ਸਨ।
ਹਾਲਾਂਕਿ ਸਪਸ਼ਟ ਕੀਤਾ ਗਿਆ ਸੀ ਕਿ ਬੀ.ਸੀ. 'ਚ ਫ਼ਿਲਹਾਲ 90 ਸਾਲ ਤੋਂ ਵੱਧ ਉਮਰ ਦੇ ਬੁਜ਼ੁਰਗ ਅਤੇ 65 ਸਾਲ ਤੋਂ ਵੱਧ ਉਮਰ ਦੇ ਇੰਡੀਜਨਸ ਵਿਅਕਤੀ ਕੋਵਿਡ -19 ਦੇ ਟੀਕੇ ਲਈ ਸਮਾਂ ਬੁੱਕ ਕਰ ਸਕਦੇ ਹਨ।
ਸਿਹਤ ਮੰਤਰਾਲੇ ਅਨੁਸਾਰ ਦੋਵਾਂ ਦਾ ਸੂਬੇ 'ਚ ਕੁੱਲ ਅੰਕੜਾ ਕਰੀਬ 82,000 ਲੋਕਾਂ ਦਾ ਬਣਦਾ ਹੈ।
ਇਸ ਦੇ ਬਾਵਜੂਦ ਅੱਜ ਸਵੇਰੇ 7 ਵਜੇ ਫੋਨ-ਲਾਈਨਸ ਖੁੱਲ੍ਹਣ ਤੋਂ ਬਾਅਦ 1.7 ਮਿਲੀਅਨ ਕਾਲਸ ਆ ਗਈਆਂ।
ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਕਿਹਾ ਕਿ ਲੋਕਾਂ ਨੂੰ ਆਪਣੀ ਕੈਟੇਗਰੀ ਦੇ ਅਨੁਸਾਰ ਕਾਲ ਕਰਨੀ ਚਾਹੀਦੀ ਹੈ ਅਤੇ ਇਸ ਤਰ੍ਹਾਂ ਕਾਲਸ ਕਰਨ ਨਾਲ ਕਿਸੇ ਲੋੜਵੰਦ ਬੁਜ਼ੁਰਗ ਨੂੰ ਸੰਪਰਕ ਕਰਨ 'ਚ ਦੇਰੀ ਹੋ ਸਕਦੀ ਹੈ।
