12.52C Vancouver 12.52C VancouverMar 20, 2024 4:49 PM - The Canadian Press
ਸਰੀ ਵਿਚ 2019 ਦੌਰਾਨ ਬੰਧਕ ਬਣਾਏ ਜਾਣ ਦੇ ਮਾਮਲੇ ਵਿਚ ਜਾਂਚ ਜਾਰੀ ਹੈ ਜਿਸ ਵਿਚ 2 ਲੋਕਾਂ ਦੀ ਮੌਤ ਹੋ ਗਈ ਸੀ। ਬੀ.ਸੀ. ਕੋਰੋਨਰਜ਼ ਸਰਵਿਸ ਨੇ ਪੰਜ ਸਾਲ ਪਹਿਲਾਂ ਪੁਲਿਸ ਨਾਲ ਝੜਪ ਦੌਰਾਨ ਦੋ ਲੋਕਾਂ ਦੀ ਮੌਤ ਦੀ ਜਾਂਚ ਲਈ ਇੱਕ ਤਰੀਕ ਨਿਰਧਾਰਤ ਕੀਤੀ ਹੈ।
ਪੁਲਿਸ ਨੇ 28 ਮਾਰਚ, 2019 ਨੂੰ ਸਰੀ ਦੀ 133 ਸਟਰੀਟ ਨੇੜੇ ਇੱਕ ਵਿਅਕਤੀ ਵੱਲੋਂ ਇੱਕ ਔਰਤ ਨੂੰ ਬੰਧਕ ਬਣਾਉਣ ਦੀਆਂ ਰਿਪੋਰਟਾਂ ’ਤੇ ਕਾਰਵਾਈ ਕਰਦੇ ਹੋਏ ਨੋਨਾ ਮੈਕਈਵਨ ਅਤੇ ਰੈਂਡੀ ਕਰੌਸਨ ਨੂੰ ਗੋਲੀ ਮਾਰ ਦਿੱਤੀ ਸੀ।
ਸੁਤੰਤਰ ਜਾਂਚ ਦਫ਼ਤਰ ਨੇ ਬਾਅਦ ਵਿਚ ਪਤਾ ਲਗਾਇਆ ਕਿ ਜਦ ਅਧਿਕਾਰੀ ਔਰਤ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿਚ ਘਰ ਦਾਖਲ ਹੋਏ ਤਾਂ ਦੋਵਾਂ ਲੋਕਾਂ ਨੂੰ ਘਾਤਕ ਰੂਪ ਵਿਚ ਗੋਲੀ ਮਾਰ ਦਿੱਤੀ ਗਈ ਸੀ।
ਸੁਤੰਤਰ ਜਾਂਚ ਦਫ਼ਤਰ ਨੇ ਸਿੱਟਾ ਕੱਢਿਆ ਕਿ ਅਧਿਕਾਰੀਆਂ ਨੇ ਇਸ ਕਾਰਵਾਈ ਦੌਰਾਨ ਕਾਨੂੰਨੀ ਤੌਰ ’ਤੇ ਕੰਮ ਕੀਤਾ ਸੀ ਅਤੇ ਔਰਤ ਦੀ ਮੌਤ ਉਸ ਦੇ ਹਮਲਾਵਰ ਵਲੋਂ ਜਾਣਬੁੱਝ ਕੇ ਪੈਦਾ ਕੀਤੇ ਸੰਕਟ ਕਾਰਨ ਹੋਇਆ ਇਕ ਹਾਦਸਾ ਸੀ। ਇਸ ਟਕਰਾਅ ਵਿੱਚ ਕਰੌਸਨ ਅਤੇ ਮੈਕਈਵਨ ਦੋਵਾਂ ਨੂੰ ਗੋਲੀ ਮਾਰ ਦਿੱਤੀ ਗਈ ਸੀ। ਇਨ੍ਹਾਂ ਮੌਤਾਂ ਦੀ ਜਾਂਚ 15 ਅਪ੍ਰੈਲ ਨੂੰ ਬਰਨਬੀ ਕੋਰੋਨਰਜ਼ ਕੋਰਟ ਵਿਚ ਸ਼ੁਰੂ ਹੋਵੇਗੀ।
