14.53C Vancouver 14.53C VancouverApr 12, 2022 9:04 PM - The Canadian Press
ਬੀ.ਸੀ. 'ਚ ਓਵਰਡੋਜ਼ ਸੰਬੰਧੀ ਮੌਤਾਂ ਦੇ ਅੰਕੜੇ ਸਾਂਝੇ ਕੀਤੇ ਗਏ ਹਨ।
ਬੀ.ਸੀ. ਕੋਰੋਨਰ ਆਫਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸਾਲ 2022 ਦੇ ਦੂਜੇ ਮਹੀਨੇ ਵਿੱਚ ਓਵਰਡੋਜ਼ ਸੰਬੰਧੀ 174 ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ।
ਇਸ ਤੋਂ ਪਹਿਲਾਂ ਜਨਵਰੀ 'ਚ ਓਵਰਡੋਜ਼ ਸੰਬੰਧੀ ਮੌਤਾਂ ਦੀ ਗਿਣਤੀ 208 ਰਹੀ ਸੀ।
ਲਗਾਤਾਰ 4 ਮਹੀਨੇ ਤਕ ਸੂਬੇ 'ਚ ਓਵਰਡੋਜ਼ ਸੰਬੰਧੀ 200 ਤੋਂ ਵੱਧ ਮੌਤਾਂ ਰਿਪੋਰਟ ਹੋਣ ਤੋਂ ਬਾਅਦ, ਫਰਵਰੀ ਇਹ ਅੰਕੜਾ 200 ਤੋਂ ਥੱਲੇ ਆਇਆ ਹੈ। ਬੀਤੇ ਸਾਲ ਦੇ ਇਸੇ ਸਮੇਂ ਮੁਕਾਬਲੇ ਓਵਰਡੋਜ਼ ਸੰਬੰਧੀ ਮੌਤਾਂ 'ਚ ਇੱਕ ਮੌਤ ਦਾ ਵਾਧਾ ਹੋਇਆ ਦੱਸਿਆ ਗਿਆ ਹੈ।
ਇਸ ਦੇ ਨਾਲ ਹੁਣ ਫਰਵਰੀ ਦੇ ਮਹੀਨੇ 'ਚ ਓਵਰਡੋਜ਼ ਸੰਬੰਧੀ ਮੌਤਾਂ ਦਾ ਰਿਕਾਰਡ ਟੁੱਟ ਗਿਆ ਹੈ।
ਸਾਲ ਦੇ ਪਹਿਲੇ 2 ਮਹੀਨਿਆਂ 'ਚ ਓਵਰਡੋਜ਼ ਸੰਬੰਧੀ ਮੌਤਾਂ ਦੀ ਗਿਣਤੀ 382 ਤਕ ਪਹੁੰਚ ਗਈ ਹੈ।
ਸਾਲ 2016 ਤੋਂ ਇਸ ਸੰਕਟ ਸੰਬੰਧੀ ਮੌਤਾਂ ਦੀ ਗਿਣਤੀ ਹੁਣ 9,410 ਤਕ ਪਹੁੰਚ ਗਈ ਹੈ।
ਹੁਣ ਲਗਾਤਾਰ 17 ਮਹੀਨੇ ਹੋ ਚੁੱਕੇ ਹਨ ਜਦ 150 ਤੋਂ ਵੱਧ ਮੌਤਾਂ ਰਿਪੋਰਟ ਹੁੰਦੀਆਂ ਰਹੀਆਂ ਹਨ।
ਜਾਨ ਗਵਾਉਣ ਵਾਲਿਆਂ 'ਚ ਵਧੇਰੇ ਗਿਣਤੀ 30 ਤੋਂ 59 ਸਾਲ ਵਿਚਾਲੇ ਦੇ ਪੁਰਸ਼ਾਂ ਦੀ ਦੱਸੀ ਗਈ ਹੈ।
ਇਸ ਵਿੱਚ ਵਧੇਰੇ ਓਵਰਡੋਜ਼ ਸੰਬੰਧੀ ਮੌਤਾਂ 'ਚ ਫੈਂਟਾਨਿਲ ਦੇ ਨਸ਼ੇ ਨੂੰ ਕਾਰਨ ਦੱਸਿਆ ਗਿਆ ਹੈ।
