12.49C Vancouver 12.49C VancouverJun 18, 2022 12:05 AM - The Canadian Press
ਬੀ.ਸੀ. ਦੇ ਵਿੱਚ ਬੇਬੀ ਫੂਡ ਨਾਲ ਸੰਬੰਧਤ ਸਪੈਸ਼ਲਾਈਜਡ ਇੰਫੈਂਟ ਫੌਰਮੁਲਾ ਬਾਰੇ ਸਿਹਤ ਮੰਤਰਾਲੇ ਵੱਲੋਂ ਇੱਕ ਨਿਰਦੇਸ਼ ਜਾਰੀ ਕੀਤਾ ਗਿਆ ਹੈ।
ਮੰਤਰਾਲੇ ਦਾ ਕਹਿਣਾ ਹੈ ਕਿ ਕੰਟੇਨਰਸ ਨੂੰ ਕਾਊਂਟਰਸ 'ਤੇ ਹੀ ਰੱਖਿਆ ਜਾਵੇ।
ਮੰਤਰਾਲੇ ਵੱਲੋਂ ਜਾਰੀ ਇੱਕ ਬਿਆਨ 'ਚ ਕਿਹਾ ਗਿਆ ਹੈ ਕਿ ਫਾਰਮੇਸੀਆਂ ਲਈ ਜਾਰੀ ਗਾਈਡਲਾਈਨਸ ਆਸਰੇ ਮਦਦ ਮਿਲ ਸਕੇਗੀ ਕਿ ਟੈਂਪਰੇਰੀ ਪੱਧਰ 'ਤੇ ਚੱਲ ਰਹੀ ਕੈਨੇਡਾ ਭਰ ਦੀ ਹਾਈਪੋਐਲਰਜੈਨਿਕ ਫੌਰਮੁਲਾਸ ਦੀ ਘਾਟ ਵਿਚਾਲੇ ਸਪਲਾਈ ਜਾਰੀ ਰੱਖੀ ਜਾ ਸਕੇ।
ਬਿਆਨ 'ਚ ਆਖਿਆ ਗਿਆ ਹੈ ਕਿ ਮੈਨੂਫੈਕਚ੍ਰਰਸ ਵੱਲੋਂ ਖਾਸ ਤੌਰ 'ਤੇ ਇਹ ਸਪੈਸ਼ਲਾਈਜਡ ਫੌਰਮੁਲਾਸ ਪਬਲਿਕ ਖਰੀਦ ਲਈ ਵੰਢੇ ਜਾ ਰਹੇ ਹਨ ਅਤੇ ਹੋਰ ਪਦਾਰਥਾਂ ਦੇ ਪਹੁੰਚਣ ਤਕ ਇਹ ਫਾਰਮੇਸੀਆਂ 'ਤੇ ਉਪਲਬਧ ਰਹਿਣਗੇ।
ਮੰਤਰਾਲੇ ਅਨੁਸਾਰ ਬੀ.ਸੀ. 'ਚ ਰੈਗੂਲਰ ਇੰਫੈਂਟ ਫੌਰਮੁਲਾਸ ਦੀ ਕੋਈ ਘਾਟ ਨਹੀਂ ਹੈ।
ਹਾਲਾਂਕਿ ਐਲਰਜੀਸ ਦਾ ਸਾਹਮਣਾ ਕਰ ਰਹੇ ਬੱਚਿਆਂ ਅਤੇ ਕੁਝ ਖਾਸ ਮੈਡਿਕਲ ਕੰਡੀਸ਼ਨਸ ਵਾਲੇ ਬੱਚਿਆਂ ਲਈ ਕੁਝ ਖਾਸ ਪਦਾਰਥਾਂ ਦੀ ਸਪਲਾਈ 'ਚ ਕਮੀ ਦੱਸੀ ਗਈ ਹੈ।
ਬਿਆਨ 'ਚ ਇਹ ਵੀ ਦੱਸਿਆ ਗਿਆ ਕਿ ਪਰਿਵਾਰਾਂ ਨੂੰ 10 ਦਿਨ ਤੋਂ 2 ਹਫ਼ਤੇ ਦੀ ਸਪਲਾਈ ਤਕ ਸੀਮਤ ਹੋਣਾ ਪਵੇਗਾ।
ਹਾਲਾਂਕਿ ਪਿਛੜੇ ਇਲਾਕਿਆਂ ਦੇ ਲੋਕਾਂ ਜਾਂ ਪਹੁੰਚ 'ਚ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨ ਵਾਲੇ ਲੋਕਾਂ ਲਈ ਕੋਈ ਲਿਮਿਟੇਸ਼ਨ ਨਹੀਂ ਹੋਵੇਗੀ।
