9.05C Vancouver 9.05C VancouverApr 29, 2022 9:39 PM - The Canadian Press
ਬੀ.ਸੀ. ਵੱਲੋਂ ਪੀੜਤਾਂ ਲਈ ਡਿਜ਼ਾਸਟਰ ਫਾਈਨੈਂਸ਼ੀਅਲ ਅਸਿਸਟੈਂਸ ਹਾਸਿਲ ਕਰਨ ਲਈ ਪ੍ਰੀਕਿਰਿਆ ਨੂੰ ਆਸਾਨ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਐਮਰਜੈਂਸੀ ਮੈਨੇਜਮੈਂਟ ਬੀ.ਸੀ. ਅਤੇ ਪਬਲਿਕ ਸੇਫਟੀ ਮੰਤਰਾਲੇ ਦਾ ਕਹਿਣਾ ਹੈ ਕਿ ਪੁਰਾਣੇ ਸਿਸਟਮ ਦੇ ਲਿਮਿਟੇਸ਼ਨਸ ਨੂੰ ਬੀਤੇ ਸਾਲ ਨਵੰਬਰ 'ਚ ਆਏ ਹੜ੍ਹਾਂ ਨੇ ਉਜਾਗਰ ਕੀਤਾ ਸੀ।
ਇਸ ਦੌਰਾਨ ਹਾਈਵੇਅ ਨੁਕਣੇ ਗਏ ਸਨ ਅਤੇ ਅਨੇਕਾਂ ਘਰਾਂ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਸੀ।
ਹੁਣ ਕੀਤੇ ਜਾ ਰਹੇ ਬਦਲਾਅ ਨਾਲ ਵਧੇਰੇ ਕਿਸਾਨ, ਵਪਾਰ ਅਤੇ ਰੈਂਟਲ ਯੂਨਿਟ ਦੇ ਮਾਲਿਕ ਰਿਲੀਫ ਲਈ ਐਲੀਜੀਬਲ ਹੋਣਗੇ।
ਇਸ ਦੇ ਚਲਦਿਆਂ ਜੁਲਾਈ ਦੇ ਅੰਤ ਤਕ ਲਈ ਐਪਲੀਕੇਸ਼ਨ ਪੀਰੀਅਡ ਖੋਲ੍ਹਿਆ ਜਾ ਰਿਹਾ ਹੈ।
ਇਸ ਦੇ ਨਾਲ ਨਵੇਂ ਕਲੇਮੈਂਟਸ ਨੂੰ ਆਪਣੇ ਦਸਤਾਵੇਜ ਦਾਖਿਲ ਕਰਨ ਦਾ ਮੌਕਾ ਹੋਵੇਗਾ।
ਲੋਕਲ ਸਰਕਾਰਾਂ ਅਤੇ ਫਰਸਟ ਨੇਸ਼ਨਸ ਕੋਲ ਵੀ ਮੌਕਾ ਹੋਵੇਗਾ ਕਿ ਫੰਡਸ ਲਈ ਉਡੀਕ ਨਾ ਕਰਨੀ ਪਵੇ।
ਜਾਣਕਾਰੀ ਦਿੱਤੀ ਗਈ ਕਿ ਪ੍ਰੋਗਰਾਮ ਤਹਿਤ ਖਰਚੇ ਦਾ ਘਟੋ-ਘੱਟ ਕੁਝ ਹਿੱਸਾ ਪਹਿਲਾਂ ਹੀ ਦੇ ਦਿੱਤਾ ਜਾਵੇਗਾ।
ਇਸ ਦੇ ਨਾਲ ਹੀ ਕੁੱਲ ਖਰਚੇ ਦੀ ਵੱਡੀ ਪਰਸੈਂਟੇਜ ਵੀ ਪੇ ਕੀਤੀ ਜਾਵੇਗੀ।
ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਨਾਲ ਕੈਸ਼-ਸਟਰੈਪਡ ਕਮਿਊਨਿਟੀਸ 'ਤੇ ਦਬਾਅ ਘਟੇਗਾ।
