13.46C Vancouver 13.46C VancouverJun 25, 2021 7:34 PM -
ਬੀ.ਸੀ. 'ਚ ਇਸ ਸਾਲ 2 ਬੱਚਿਆਂ ਦੀ ਆਪਣੇ ਘਰਾਂ ਦੀਆਂ ਖਿੜਕੀਆਂ ਤੋਂ ਬਾਹਰ ਡਿੱਗ ਕੇ ਮੌਤ ਹੋ ਚੁੱਕੀ ਹੈ।
ਇਸ ਦੇ ਚਲਦਿਆਂ ਇੱਕ ਪੀਡੀਐਟ੍ਰਿਕ ਨਿਊਰੋਸਰਜਨ ਨੇ ਮਾਪਿਆਂ ਨੂੰ ਮੰਗ ਕੀਤੀ ਹੈ ਕਿ ਵਧੇਰੇ ਧਿਆਨ ਰੱਖਿਆ ਜਾਵੇ।
ਡਾਕਟਰ ਦਾ ਕਹਿਣਾ ਹੈ ਕਿ ਹੀਟ ਵੇਵ ਦੀ ਦਸਤਕ ਵਿਚਾਲੇ ਧਿਆਨ ਰੱਖਣਾ ਹੋਰ ਵੀ ਜ਼ਰੂਰੀ ਹੋ ਜਾਂਦਾ ਹੈ।
ਡਾ. ਐਸ਼ ਸਿੰਘਲ ਦਾ ਕਹਿਣਾ ਹੈ ਕਿ ਸੂਬਾ ਸਰਕਾਰ ਨੂੰ ਕੰਸਟ੍ਰਕਸ਼ਨ ਇੰਡਸਟਰੀ ਨੂੰ ਵੀ ਨਿਰਦੇਸ਼ ਦੇਣੇ ਚਾਹੀਦੇ ਹਨ ਕਿ ਖਿੜਕੀਆਂ ਦੇ ਖੁੱਲ੍ਹਣ ਦੀ ਥਾਂ ਨੂੰ ਸੀਮਤ ਕੀਤਾ ਜਾਵੇ ਤਾਂ ਜੋ ਬੱਚਿਆਂ ਦਾ ਬਚਾਅ ਹੋ ਸਕੇ।
ਉਨ੍ਹਾਂ ਇਹ ਵੀ ਕਿਹਾ ਕਿ ਇਸ ਸਾਲ ਹੋਈਆਂ ਮੌਤਾਂ ਤੋਂ ਇਲਾਵਾ ਕਈ ਅਜਿਹੀਆਂ ਘਟਨਾਵਾਂ ਵਾਪਰੀਆਂ ਹਨ ਜਿੱਥੇ ਬੱਚੇ ਖਿੜਕੀਆਂ ਵਿੱਚੋਂ ਡਿੱਗ ਕੇ ਜ਼ਖਮੀ ਹੋ ਗਏ ਸਨ।
ਯਾਦ ਰਹੇ ਨੈਸ਼ਨਲ ਰਿਸਰਚ ਕਾਉਂਸਿਲ ਨੇ ਬੀਤੇ ਸਾਲ 'ਸਿਟੀ ਆਫ ਕੈਲਗਰੀ' ਦੇ ਇੱਕ ਪ੍ਰਪੋਜ਼ਲ ਨੂੰ ਮਨਜ਼ੂਰ ਕੀਤਾ ਸੀ ਜਿੱਥੇ ਰਾਸ਼ਟਰੀ ਬਿਲਡਿੰਗ ਕੋਡ ਨੂੰ ਬਦਲਣ ਦੀ ਮੰਗ ਕੀਤੀ ਗਈ ਸੀ।
ਹਾਲਾਂਕਿ ਇਸ ਦੀ ਪਬਲੀਕੇਸ਼ਨ 'ਚ ਪੈਂਡੈਮਿਕ ਨੇ ਅੜਿੱਕਾ ਪਾਇਆ ਹੈ।
ਬਦਲਾਅ 'ਚ ਖਿੜਕੀਆਂ ਦੇ ਸਿਰਫ 10ਸੈਂਟੀਮੀਟਰ ਤਕ ਖੁੱਲਣਾ ਵੀ ਸ਼ਾਮਿਲ ਹੈ।
