12.32C Vancouver 12.32C VancouverMay 8, 2021 1:41 AM -
ਬੀ.ਸੀ. ਦੀਆਂ 2 ਚੋਟੀ ਦੀਆਂ ਡਾਕਟਰਾਂ ਵੱਲੋਂ ਸੂਬਾ ਸਰਕਾਰ ਦੇ ਕੋਵਿਡ-19 ਦਾ ਡਾਟਾ ਦੇ ਲੀਕ ਹੋਏ ਦਸਤਾਵੇਜ਼ਾਂ ਦੇ ਸੰਬੰਧ ਵਿੱਚ ਆਪਣੇ ਦਫ਼ਤਰ ਦੀ ਮੌਜੂਦਾ ਨੀਤੀ ਦਾ ਬਚਾਅ ਕੀਤਾ ਹੈ।
ਵੈਨਕੂਵਰ ਸੰਨ ਨੇ ਰਿਪੋਰਟ ਕੀਤਾ ਸੀ ਕਿ ਬੀ.ਸੀ. ਸੀ.ਡੀ.ਸੀ. ਦੀਆਂ ਲੀਕ ਹੋਈਆਂ ਰਿਪੋਰਟਸ ਵਿੱਚ 'ਨੇਬਰਹੁਡਸ' ਵਿੱਚ ਕੋਵਿਡ-19 ਮਾਮਲਿਆਂ ਅਤੇ ਵੈਕਸੀਨੇਸ਼ਨ ਸੰਬੰਧੀ ਅਧਿਕਾਰੀਆਂ ਵੱਲੋਂ ਪ੍ਰਦਾਨ ਕੀਤੀ ਜਾ ਰਹੀ ਜਾਣਕਾਰੀ ਤੋਂ ਵਧੇਰੇ ਵੇਰਵੇ ਮੌਜੂਦ ਹਨ।
ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਡਿਪਟੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਰੀਕਾ ਗੁਸਟਾਸਨ ਦਾ ਕਹਿਣਾ ਹੈ ਕਿ ਇਸ ਡਾਟਾ ਨੂੰ ਲੀਕ ਹੋਏ ਡਾਟਾ ਵਜੋਂ ਨਹੀਂ ਵੇਖਿਆ ਜਾ ਸਕਦਾ ਕਿਉਂਕਿ ਇਹ ਡਾਟਾ ਕਿਸੇ ਨਾ ਕਿਸੇ ਰੂਪ 'ਚ ਅੱਗੇ ਉਪਲਬਧ ਕਰਵਾਇਆ ਜਾਣਾ ਸੀ।
ਸੈਂਟਰ ਦੇ ਦਸਤਾਵੇਜ਼ਾਂ 'ਚ ਕੁਝ ਨੇਬਰਹੁਡਸ ਵਿੱਚ ਕੋਵਿਡ-19 ਦੇ ਵਧੇਰੇ ਸੰਕ੍ਰਮਣ ਦੀ ਜਾਣਕਾਰੀ ਦਿੱਤੀ ਗਈ ਸੀ, ਜਦਕਿ ਡਾ. ਹੈਨਰੀ ਦਾ ਕਹਿਣਾ ਹੈ ਕਿ ਵਧੇਰੇ ਐਸੈਨਸ਼ੀਅਲ ਵਰਕਰਾਂ ਦੀ ਗਿਣਤੀ ਵਾਲੇ ਸ਼ਹਿਰ 'ਚ ਵਾਇਰਸ ਦੇ ਵਧੇਰੇ ਮਾਮਲੇ ਰਿਪੋਰਟ ਹੋਏ ਹਨ।
ਯਾਦ ਰਹੇ ਅੱਜ ਇਸ ਮਾਮਲੇ ਬਾਰੇ ਗੱਲਬਾਤ ਕਰਨ ਲਈ ਅਚਾਨਕ ਹੀ ਦੋਵਾਂ ਡਾਕਟਰਾਂ ਵੱਲੋਂ ਇੱਕ ਟੈਲੀ-ਕਾਨਫਰੰਸ ਸੱਦੀ ਗਈ ਸੀ।
