15.22C Vancouver 15.22C VancouverOct 20, 2020 8:23 PM -
ਬੀ.ਸੀ ਐਨ.ਡੀ.ਪੀ. ਨੇ ਦੁਬਾਰਾ ਸੱਤਾ ਵਿੱਚ ਆਉਣ 'ਤੇ ਦੱਖਣੀ ਏਸ਼ਿਆਈ ਵਿਰਾਸਤ ਦੇ ਲਈ ਇਕ ਸਮਰਪਿਤ ਮਿਊਜ਼ੀਅਮ ਬਣਾਉਣ ਦਾ ਚੋਣ ਵਾਅਦਾ ਕੀਤਾ ਹੈ।
ਇਸ ਐਲਾਨ ਦੇ ਮੌਕੇ 'ਤੇ ਅੱਜ ਸਰੀ ਵਿੱਚ ਬੀ.ਸੀ. ਐਨ.ਡੀ.ਪੀ. ਦੇ ਦੂਜੇ ਉਮੀਦਵਾਰਾਂ ਦੇ ਨਾਲ-ਨਾਲ ਹੈਰੀ ਬੈਂਸ, ਰਚਨਾ ਸਿੰਘ, ਜਿਨੀ ਸਿਮਸ ਅਤੇ ਜਗਰੂਪ ਬਰਾੜ ਵੀ ਮੌਜੂਦ ਸਨ ਜਿਨ੍ਹਾਂ ਕਿਹਾ ਕਿ ਇਸ ਮਿਊਜ਼ੀਅਮ ਵਿੱਚ ਦੱਖਣੀ ਏਸ਼ਿਆਈ ਮੂਲ ਦੇ ਲੋਕਾਂ ਦੇ ਇਤਿਹਾਸ , ਕਲਾ ਅਤੇ ਯੋਗਦਾਨ ਦਾ ਦਸਤਾਵੇਜ਼ੀਕਰਨ ਕੀਤਾ ਜਾਵੇ।
ਜਗਰੂਪ ਬਰਾੜ ਦਾ ਕਹਿਣਾ ਸੀ ਕਿ ਇਹ ਮਿਊਜ਼ੀਅਮ ਦੱਖਣੀ ਏਸ਼ਿਆਈ ਕਨੇਡੀਅਨ ਕਮਿਊਨਿਟੀ ਦੀਆਂ ਕਹਾਣੀਆਂ ਨੂੰ ਇਕੱਠਾ ਕਰਨ ਅਤੇ ਉਨ੍ਹਾਂ ਨੂੰ ਸੁਰੱਖਿਅਤ ਰੱਖਣ ਦਾ ਮੌਕਾ ਦੇਵੇਗਾ।
ਦੂਜੇ ਪਾਸੇ ਬੀ.ਸੀ. ਲਿਬਰਲ ਪਾਰਟੀ ਦੇ ਲੀਡਰ ਐਨਡਰੀਊ ਵਿਲਕਿਨਸਨ ਨੇ ਅੱਜ ਸਰੀ ਵਿਚ ਆਪਣੇ ਚੋਣ ਪ੍ਰਚਾਰ ਦੌਰਾਨ ਕਿਹਾ ਕਿ ਬੀ.ਸੀ. ਐਨ.ਡੀ.ਪੀ. ਨੂੰ ਇਨ੍ਹਾਂ ਚੋਣਾਂ ਵਿੱਚ, ਵੋਟ ਪਾਉਣ ਲਈ ਲੋਕਾਂ ਦੇ ਇਕ ਵੱਡੀ ਗਿਣਤੀ ਵਿੱਚ ਬਾਹਰ ਨਿਕਲਣ ਵਿਚ ਦਿਲਚਸਪੀ ਨਹੀਂ ਹੈ।
ਵਿਲਕਿਨਸਨ ਨੇ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਮਹਾਂਮਾਰੀ ਦੌਰਾਨ ਸੂਬੇ ਦੇ ਪ੍ਰੀਮੀਅਰ ਦਾ ਇਕ ਡਾਕਟਰ ਹੋਣ ਨਾਲ ਸੂਬੇ ਦਾ ਫ਼ਾਇਦਾ ਹੋਵੇਗਾ ਕਿਉਂਕਿ ਇਕ ਡਾਕਟਰ, ਡਾ. ਬੌਨੀ ਹੈਨਰੀ ਦੇ ਨਾਲ ਮੈਡੀਕਲ ਦੀ ਭਾਸ਼ਾ ਵਿੱਚ ਗੱਲ ਕਰ ਸਕੇਗਾ।
