10.35C Vancouver 10.35C VancouverJun 25, 2020 12:33 AM -
ਬੀ.ਸੀ. ਸਰਕਾਰ ਨੇ ਸੂਬੇ 'ਚ ਕੋਵਿਡ-19 ਸੰਬੰਧੀ ਪਬੰਦੀਆਂ ਨੂੰ ਹਟਾਉਣ ਦੇ ਤੀਜੇ ਪੜਾਅ ਵਿੱਚ ਦਾਖਲ ਹੋਣ ਦਾ ਐਲਾਨ ਕੀਤਾ ਹੈ।
ਜਦਕਿ ਤੀਜੇ ਫੇਜ਼ 'ਚ ਦਾਖਿਲੇ ਤਹਿਤ ਹੁਣ ਬੀ.ਸੀ. ਨਿਵਾਸੀਆਂ ਨੂੰ ਸੂਬੇ ਦੇ ਅੰਦਰ ਗੈਰ ਜ਼ਰੂਰੀ ਆਵਾਜਾਈ ਦੀ ਇਜਾਜ਼ਤ ਹੋਵੇਗੀ।
ਵਿਕਟੋਰੀਆ ਵਿੱਚ ਇਸ ਸੰਬੰਧੀ ਐਲਾਨ ਕਰਦਿਆਂ ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਕਿ ਸੂਬੇ ਦੇ ਵਸਨੀਕਾਂ ਦੇ ਸਾਥ ਆਸਰੇ, ਅਤੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ ਡਾ. ਬੌਨੀ ਹੈਨਰੀ ਵੱਲੋਂ ਦਿੱਤੀ ਗਈ ਸੇਧ ਤੋਂ ਬਾਅਦ ਤੀਜੇ ਪੜਾਅ ਵਿੱਚ ਦਾਖਲ ਹੋਣ ਦਾ ਐਲਾਨ ਕੀਤਾ ਜਾ ਰਿਹਾ ਹੈ।
ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਕਿ ਕੋਵਿਡ-19 ਦਾ ਖਤਰਾ ਅਜੇ ਵੀ ਬਰਕਰਾਰ ਹੈ, ਅਤੇ ਸਥਿਤੀ ਆਮ ਹਾਲਾਤਾਂ ਵਰਗੀ ਨਹੀਂ ਹੋਣ ਜਾ ਰਹੀ।
ਪ੍ਰੀਮਿਅਰ ਹੌਰਗਨ ਨੇ ਦੱਸਿਆ ਕਿ ਤੀਜੇ ਪੜਾਅ ਵਿੱਚ ਹੋਟਲ, ਰਿਜ਼ਾਰਟ, ਪਾਰਕ, ਫਿਲਮ ਇੰਡਸਟਰੀ ਅਤੇ ਫਿਲਮ ਥੀਏਟਰ ਜਿਹੇ ਕੁਝ ਕਾਰੋਬਾਰਾਂ ਨੂੰ ਵਰਕਸੇਫਬੀ.ਸੀ. ਦੇ ਦਿਸ਼ਾਨਿਰਦੇਸ਼ਾਂ ਅਨੁਸਾਰ ਦੁਬਾਰਾ ਖੋਲ੍ਹਿਆ ਜਾ ਸਕੇਗਾ।
ਸਰਕਾਰ ਵੱਲੋਂ ਯਾਤਰਾ ਸਬੰਧੀ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚ ਦੂਰ ਦੇ ਇਲਾਕੇ ਜਾਂ ਅਲੱਗ ਥਲੱਗ ਕਮਿਊਨਿਟੀਜ਼ ਦੀ ਯਾਤਰਾ ਸਬੰਧੀ ਸਥਾਨਕ ਹਿਦਾਇਤਾਂ ਦਾ ਪਾਲਣ ਕਰਨ ਲਈ ਵੀ ਕਿਹਾ ਗਿਆ ਹੈ।
