11.29C Vancouver 11.29C VancouverApr 26, 2021 8:34 PM -
ਬੀ.ਸੀ. ਦੀ ਮੈਂਟਲ ਹੈਲਥ ਐਂਡ ਐਡਿਕਸ਼ਨਸ ਮੰਤਰੀ ਦਾ ਕਹਿਣਾ ਹੈ ਕਿ ਸੂਬਾ ਸਰਕਾਰ ਵੱਲੋਂ ਛੋਟੇ ਬੱਚਿਆਂ, ਸਕੂਲੀ ਉਮਰ ਦੇ ਯੁਵਾ ਵਰਗ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਸੇਵਾਵਾਂ 'ਚ ਵਾਧਾ ਕੀਤਾ ਜਾ ਰਿਹਾ ਹੈ।
ਸ਼ੀਲਾ ਮੈਲਕੌਮਸਨ ਨੇ ਕਿਹਾ ਕਿ ਅਗਲੇ 3 ਸਾਲਾਂ ਦੌਰਾਨ 60 ਨਵੇਂ ਫੁੱਲ-ਟਾਈਮ ਫੈਮਲੀ ਸੱਪੋਰਟ ਵਰਕਰਾਂ ਦੀ ਭਰਤੀ ਕੀਤੀ ਜਾਵੇਗੀ।
ਇਹ ਵਰਕਰ ਭਾਵਨਾਵਾਂ, ਸੁਭਾਵਾਂ ਅਤੇ ਵਿਕਾਸ ਸੰਬੰਧੀ ਚੁਣੌਤੀਆਂ ਨੂੰ ਧਿਆਨ 'ਚ ਰੱਖਦੇ ਹੋਏ ਬੱਚਿਆਂ ਨੂੰ ਸੇਵਾਵਾਂ ਪ੍ਰਦਾਨ ਕਰਨਗੇ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਪਰਿਵਾਰਾਂ ਨੂੰ ਬੱਚਿਆਂ ਦੇ ਅਹਿਮ ਸਾਲਾਂ ਦੌਰਾਨ ਬਿਹਤਰ ਮਾਨਸਿਕ ਸਿਹਤ ਸੰਭਾਲ ਹਾਸਿਲ ਹੋ ਸਕੇਗੀ।
ਇਸ ਪ੍ਰੋਗਰਾਮ ਦੇ ਵਾਧੇ ਲਈ $56 ਮਿਲੀਅਨ ਦਾ ਨਿਵੇਸ਼ ਕੀਤਾ ਜਾ ਰਿਹਾ ਹੈ।
ਸੂਬੇ 'ਚ ਹਾਲ ਦੀ ਘੜੀ 5 ਇੰਟੈਗ੍ਰੇਟਿਡ ਚਾਈਲਡ ਅਤੇ ਯੂਥ ਟੀਮਾਂ ਮੌਜੂਦ ਹਨ ਪਰ ਸਾਲ 2024 ਤਕ ਹੋਰ ਟੀਮਾਂ ਬਣਾ ਕੇ 15 ਹੋਰ ਕਮਿਊਨਿਟੀਸ ਨੂੰ ਸਹਿਯੋਗ ਦੇਣ ਦੀ ਗੱਲ ਆਖੀ ਗਈ ਹੈ।
ਮੈਲਕੌਮਸਨ ਦਾ ਕਹਿਣਾ ਹੈ ਕਿ ਸਕੂਲ ਪ੍ਰਸ਼ਾਸਨ, ਸਟਾਫ਼ ਅਤੇ ਮਾਪਿਆਂ ਨੇ ਪ੍ਸ਼ਟ ਕਰ ਦਿੱਤਾ ਹੈ ਕਿ ਪੈਂਡੈਮਿਕ ਕਾਰਨ ਕਿੰਡਰਗਾਰਟਨ ਤੋਂ ਗ੍ਰੇਡ 12 ਤਕ ਦੇ ਵਿਦਿਆਰਥੀਆਂ ਦੀ ਮਾਨਸਿਕ ਸਿਹਤ 'ਤੇ ਪ੍ਰਭਾਵ ਪਿਆ ਹੈ।
ਸ਼ੀਲਾ ਮੈਲਕੌਮਸਨ ਦਾ ਟਵੀਟ:
Today I had the privilege to announce the expansion of #mentalhealth and #substanceuse services in 15 communities in BC. We're working hard so that children, youth and their families will have better access to culturally safe and effective care. 1/5
