14.53C Vancouver 14.53C VancouverApr 14, 2022 6:59 PM - The Canadian Press
ਨਨਾਈਮੋ ਜਾ ਰਹੀ ਇੱਕ ਬੀ.ਸੀ. ਫੈਰੀ 'ਚ ਮਕੈਨੀਕਲ ਕਾਰਨਾਂ ਦੇ ਚਲਦਿਆਂ ਬ੍ਰੇਕ ਡਾਊਨ ਹੋ ਗਿਆ।
ਬੁੱਧਵਾਰ ਰਾਤ ਹੋਈ ਇਸ ਪ੍ਰੇਸ਼ਾਨੀ ਕਾਰਨ ਸੈਂਕੜੇ ਸਵਾਰੀਆਂ ਸਮੁੰਦਰ 'ਚ ਕਾਫੀ ਸਮੇਂ ਤਕ ਫਸੀਆਂ ਰਹੀਆਂ।
ਮਕੈਨੀਕਲ ਪ੍ਰੇਸ਼ਾਨੀ ਕਵੀਨ ਆਫ ਓਕ ਬੇਅ ਨਾਮ ਦੀ ਫੈਰੀ 'ਚ ਹੋਈ ਸੀ।
ਇਹ ਫੈਰੀ ਹੌਰਸਸ਼ੂ ਬੇਅ ਤੋਂ ਡਿਪਾਰਚਰ ਬੇ ਲਈ ਰਵਾਨਾ ਹੋਈ ਸੀ।
ਸਟ੍ਰੇਟ ਆਫ ਜੌਰਜੀਆ ਦੇ ਵਿੱਚ ਇਸ ਫੈਰੀ 'ਚ ਸਟੀਅਰਿੰਗ ਸੰਬੰਧਤ ਮਸਲਾ ਖੜਾ ਹੋ ਗਿਆ।
ਕਰਿਊ ਨੂੰ ਮਦਦ ਲਈ ਟੋਅ ਨੂੰ ਸੱਦਣਾ ਪਿਆ।
ਪਰ ਇਸ ਪ੍ਰੀਕਿਰਿਆ 'ਚ ਕਈ ਘੰਟੇ ਲਗ ਗਏ।
ਨਤੀਜੇ ਵਜੋਂ 8 ਵਜੇ ਦੀ ਸੇਲਿੰਗ ਤੜਕੇ 1.30 ਵਜੇ ਤਕ ਕੰਢੇ 'ਤੇ ਨਹੀਂ ਪਹੁੰਚੀ।
ਸਮੇਂਸੀਮਾ ਮੁਕਾਬਲੇ ਇਹ ਫੈਰੀ ਕਰੀਬ 4 ਘੰਟੇ ਬਾਅਦ ਆਪਣੇ ਟਿਕਾਣੇ 'ਤੇ ਪਹੁੰਚ ਸਕੀ।
ਜਾਣਕਾਰੀ ਅਨੁਸਾਰ ਉਡੀਕ ਕਰਦੇ ਯਾਤਰੀਆਂ ਨੂੰ ਸਮੁੰਦਰੀ ਜਹਾਜ 'ਤੇ ਮੁਫਤ 'ਚ ਹੌਟ ਡਰਿੰਕਸ ਵਰਤਾਏ ਗਏ।
ਕੁਝ ਯਾਤਰੀਆਂ ਨੇ ਸੋਸ਼ਲ ਮੀਡੀਆ 'ਤੇ ਵੀ ਇਸ ਦੌਰਾਨ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ।
