11.49C Vancouver 11.49C VancouverDec 2, 2022 1:35 AM - The Canadian Press
ਬੀ.ਸੀ. ਸਰਕਾਰ ਦਾ ਕਹਿਣਾ ਹੈ ਕਿ ਟੈਲਸ ਹੈਲਥ ਦੇ ਖਿਲਾਫ ਕੋਰਟ ਇੰਜੰਕਸ਼ਨ ਫਾਈਲ ਕੀਤਾ ਗਿਆ ਹੈ ਅਤੇ ਮਾਮਲਾ ਗੈਰਕਨੂੰਨੀ ਵਧੇਰੇ ਬਿਲਿੰਗ ਨਾਲ ਸੰਬੰਧਤ ਹੈ।
ਸਿਹਤ ਮੰਤਰੀ ਐਡਰੀਅਨ ਡਿਕਸ ਦਾ ਕਹਿਣਾ ਹੈ ਕਿ ਮੈਡਿਕਲ ਸਰਵਿਸਿਸ ਕਮਿਸ਼ਨ ਨੂੰ ਇਸੇ ਸਾਲ ਨਿਰਦੇਸ਼ ਦਿੱਤੇ ਗਏ ਸਨ ਕਿ ਵਧੇਰੇ ਬਿਲਿੰਗ ਸੰਬੰਧੀ ਸ਼ਿਕਾਇਤਾਂ ਦਾ ਰੀਵਿਊ ਕੀਤਾ ਜਾਵੇ।
ਅੱਜ ਐਡਰੀਅਨ ਡਿਕਸ ਨੇ ਕਿਹਾ ਕਿ ਕਮਿਸ਼ਨ ਨੇ ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਟੈਲਸ ਹੈਲਥ ਖਿਲਾਫ ਇੰਜੰਕਸ਼ਨ ਅਪਲਾਈ ਕੀਤੀ ਹੈ ਅਤੇ ਇਸ 'ਚ ਮੁੱਖ ਤੌਰ 'ਤੇ ਟੈਲਸ ਦਾ 'ਲਾਈਫ-ਪਲੱਸ ਪ੍ਰੋਗਰਾਮ' ਸ਼ਾਮਿਲ ਹੈ।
ਉਨ੍ਹਾਂ ਕਿਹਾ ਕਿ ਬੇਹੱਦ ਜ਼ਰੂਰੀ ਹੈ ਕਿ ਮੈਡੀਕੇਅਰ ਪ੍ਰੋਟੈਕਸ਼ਨ ਐਕਟ ਦਾ ਬਚਾਅ ਕੀਤਾ ਜਾਵੇ ਜੋ ਕਿ ਬੀ.ਸੀ. 'ਚ ਪਬਲਿਕਲੀ ਮੈਨੇਜ ਕੀਤੇ ਜਾਂਦੇ ਹੈਲਥ ਕੇਅਰ ਸਿਸਟਮ ਨੂੰ ਸੁਰੱਖਿਅਤ ਰੱਖਦਾ ਹੈ।
ਉਨ੍ਹਾਂ ਕਿਹਾ ਕਿ ਮੈਡਿਕਲ ਕੇਅਰ ਲਈ ਪਹੁੰਚ ਜ਼ਰੂਰਤ 'ਤੇ ਨਿਰਭਰ ਹੋਣੀ ਚਾਹੀਦੀ ਹੈ ਅਤੇ ਕਿਸੇ ਵਿਅਕਤੀ ਦੇ ਪੈਸੇ ਦੇਣ ਦੀ ਯੋਗਤਾ 'ਤੇ ਨਿਰਭਰ ਨਹੀਂ ਹੋਣੀ ਚਾਹੀਦੀ।
