9.86C Vancouver 9.86C VancouverJan 23, 2025 7:35 PM - Connect Newsroom
ਬੀ.ਸੀ. ਸਰਕਾਰ ਇੱਕ ਚੁਣੌਤੀਪੂਰਨ ਸਥਿਤੀ ਦਾ ਸਾਹਮਣਾ ਕਰ ਰਹੀ ਹੈ। ਵਿੱਤੀ ਮੁੱਦੇ ਅਤੇ ਟਰੰਪ ਦੇ ਸੰਭਾਵਿਤ ਟੈਰਿਫ ਵਿਚਕਾਰ ਇਸ ਸਾਲ ਪਬਲਿਕ ਸੈਕਟਰ ਦੇ 400,000 ਕਾਮੇ ਦੇ ਇਕਰਾਰਨਾਮੇ ਸਪਰਿੰਗ ਅਤੇ ਫਾਲ ਵਿਚ ਸਮਾਪਤ ਹੋ ਰਹੇ ਹਨ, ਜਿਸ ਦਾ ਮਤਲਬ ਹੈ ਕਿ ਉਨ੍ਹਾਂ ਦੀਆਂ ਤਨਖਾਹਾਂ ਤੇ ਹੋਰ ਮੰਗਾਂ ਨੂੰ ਲੈ ਕੇ ਸੂਬੇ ਨੂੰ ਯੂਨੀਅਨ ਨਾਲ ਨਵੇਂ ਸਿਰਿਓ ਇਕਰਾਰਨਾਮਾ ਲਈ ਗੱਲਬਾਤ ਕਰਨੀ ਪਵੇਗੀ।
ਇਨ੍ਹਾਂ ਵਿਚ ਨਰਸਾਂ, ਹਸਪਤਾਲ ਕਰਮਚਾਰੀ, ਪੋਸਟ-ਸੈਕੰਡਰੀ ਸਕੂਲ ਇੰਸਟ੍ਰਕਟਰ ਅਤੇ ਸਹਾਇਕ ਸਟਾਫ਼ ਸ਼ਾਮਲ ਹਨ। ਇਹ ਸਥਿਤੀ ਉਦੋਂ ਹੈ ਜਦੋਂ ਸੂਬਾ ਸਰਕਾਰ ਨੇ ਇਸ ਵਿੱਤੀ ਸਾਲ ਲਈ $9.4-ਬਿਲੀਅਨ ਘਾਟੇ ਦਾ ਅਨੁਮਾਨ ਲਗਾਇਆ ਹੈ ਅਤੇ ਇਸ ਨੂੰ ਘੱਟ ਕਰਨ ਲਈ ਸਾਵਧਾਨੀ ਵਰਤਣ ਦਾ ਵਾਅਦਾ ਕੀਤਾ ਹੈ।
ਨਰਸ ਯੂਨੀਅਨ ਦਾ ਕਹਿਣਾ ਹੈ ਕਿ ਉਸ ਦਾ ਇਕਰਾਰਨਾਮਾ 31 ਮਾਰਚ ਨੂੰ ਸਮਾਪਤ ਹੋ ਰਿਹਾ ਹੈ। ਯੂਨੀਅਨ ਦੀ ਪ੍ਰਧਾਨ ਐਡਰੀਅਨ ਗੇਅਰ ਨੇ ਕਿਹਾ ਕਿ ਉਹ ਨਰਸਾਂ ਦੀ ਸੇਫਟੀ ਅਤੇ ਕੰਮ ਕਰਨ ਦੀਆਂ ਸਥਿਤੀਆਂ ਦਾ ਮੁੱਦਾ ਗੱਲਬਾਤ ਦੌਰਾਨ ਰੱਖਣਗੇ।
