11.88C Vancouver 11.88C VancouverApr 30, 2025 7:41 PM - Connect Newsroom
ਬੀ. ਸੀ. ਸਰਕਾਰ ਵੱਡੇ ਪੱਧਰ 'ਤੇ ਲੱਕੜ ਦੇ ਲੋਕਲ ਨਿਰਮਾਣ ਖੇਤਰ ਨੂੰ ਬੂਸਟ ਦੇਣ ਲਈ ਜੰਗਲ ਸੈਕਟਰ ਦੇ ਚਾਰ ਕੈਪੀਟਲ ਪ੍ਰੋਜੈਕਟ ਵਿਚ $11 ਮਿਲੀਅਨ ਤੱਕ ਦਾ ਨਿਵੇਸ਼ ਕਰ ਰਹੀ ਹੈ। ਜੌਬਸ ਅਤੇ ਆਰਥਿਕ ਵਿਕਾਸ ਮੰਤਰੀ ਡਾਇਨਾ ਗਿਬਸਨ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਜੰਗਲਾਤ ਖੇਤਰ ਵਿਚ ਘਰੇਲੂ ਬੀ. ਸੀ. ਕੰਪਨੀਆਂ ਨੂੰ ਮਜ਼ਬੂਤ ਕਰਨ ਲਈ ਸਰਕਾਰੀ ਨਿਵੇਸ਼ ਦੀ ਲੋੜ ਸੀ।
ਗਿਬਸਨ ਦਾ ਕਹਿਣਾ ਹੈ ਕਿ ਇਸ ਫੰਡਿੰਗ ਨਾਲ 100 ਤੋਂ ਵੱਧ ਨੌਕਰੀਆਂ ਵੀ ਪੈਦਾ ਹੋਣਗੀਆਂ ਅਤੇ ਸੈਂਕੜੇ ਹੋਰ ਲੋਕਾਂ ਦਾ ਰੁਜ਼ਗਾਰ ਵੀ ਬਣਿਆ ਰਹੇਗਾ।
ਸਰਕਾਰ ਵਲੋਂ ਜਿਨ੍ਹਾਂ ਕੰਪਨੀਆਂ ਨੂੰ ਬੀਸੀ ਮੈਨੂਫੈਕਚਰਿੰਗ ਜੌਬਜ਼ ਫੰਡ ਤੋਂ ਮਦਦ ਮਿਲ ਰਹੀ ਹੈ ਉਨ੍ਹਾਂ ਵਿਚ ਨੈਲਸਨ-ਅਧਾਰਤ ਸਪੀਅਰਹੈੱਡ ਟਿੰਬਰਵਰਕਸ, ਲੈਂਗਲੀ-ਅਧਾਰਤ ਨਿਰਮਾਣ ਪਲਾਈਵੁੱਡ ਨਿਰਮਾਤਾ ਵੈਸਟਲੈਮ ਇੰਡਸਟਰੀਜ਼, ਕੈਸਲਗਰ ਦੀ ਕ੍ਰਾਫਟ ਪਲਪ ਮਿੱਲ ਮਰਸਰ ਸੇਲਗਰ ਲਿਮਟਿਡ ਪਾਰਟਨਰਸ਼ਿਪ ਅਤੇ ਪੈਂਟਿਕਟਨ ਦੀ ਗ੍ਰੇਬੈਕ ਕੰਸਟ੍ਰਕਸ਼ਨ ਲਿਮਟਿਡ ਸ਼ਾਮਲ ਹਨ।
