16.61C Vancouver 16.61C VancouverMar 11, 2021 10:34 PM -
ਉੱਤਰੀ ਬੀ.ਸੀ. 'ਚ ਸਿਹਤ ਅਧਿਕਾਰੀਆਂ ਨੇ ਉਨ੍ਹਾਂ ਇਲਜ਼ਾਮਾਂ ਨੂੰ ਗਲਤ ਦੱਸਿਆ ਹੈ ਜਿਸ 'ਚ ਕਿਹਾ ਗਿਆ ਸੀ ਕਿ ਇੱਕ ਗਰਭਵਤੀ ਇੰਡੀਜਨਸ ਔਰਤ ਦੇ ਟ੍ਰੀਟਮੈਂਟ ਦੌਰਾਨ ਲਾਪਰਵਾਹੀ ਹੋਈ ਸੀ, ਜਿਸ ਕਾਰਨ ਔਰਤ ਦੇ ਬੱਚੇ ਦਾ ਸਟਿਲਬਰਥ ਯਾਨੀ ਕਿ ਮ੍ਰਿਤ ਅਵਸਥਾ 'ਚ ਡਿਲੀਵਰੀ ਹੋਈ ਸੀ।
ਟੈਰੇਸ ਦੇ ਇਲਾਕੇ 'ਚ ਸਥਿਤ ਮਿਲਸ ਮੈਮੋਰੀਅਲ ਹਸਪਤਾਲ, ਨੌਰਦਰਨ ਹੈਲਥ, ਅਤੇ ਕਿਟੀਮੈਟ ਜਨਰਲ ਹਸਪਤਾਲ ਨੇ ਇਹਨਾਂ ਇਲਜ਼ਾਮਾਂ ਨੂੰ ਖਾਰਜ ਕਰਦਿਆਂ ਇਸ ਸੰਬੰਧੀ ਲਾਅਸੂਟ ਨੂੰ ਡਿਸਪਿਊਟ ਕੀਤਾ ਹੈ।
ਸਾਰਾਹ ਮੌਰੀਸਨ ਅਤੇ ਉਨ੍ਹਾਂ ਦੇ ਪਾਰਟਨਰ, ਰੋਨਾਲਡ ਲੁਫਟ ਨੇ ਇਸ ਮਾਮਲੇ 'ਚ ਬੀਤੇ ਮਹੀਨੇ ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਇੱਕ ਸਿਵਲ ਮੁਕੱਦਮਾ ਦਾਇਰ ਕੀਤਾ ਹੈ।
ਜੋੜੇ ਨੇ ਘਟਨਾ ਨੂੰ "deliberate racial indifference" ਯਾਨੀ ਕਿ ਜਾਣਬੁੱਝ ਕੇ ਕੀਤੀ ਨਸਲੀ ਉਦਾਸੀਨਤਾ ਦੱਸਿਆ ਹੈ।
ਹੈਲਥ ਅਥਾਰਿਟੀ ਦਾ ਕਹਿਣਾ ਹੈ ਕਿ ਮੌਰੀਸਨ ਆਪਣੀ ਡਿਊ ਡੇਟ ਤੋਂ ਅੱਗੇ ਲੰਘ ਚੁੱਕੀ ਸੀ ਅਤੇ ਜਦ ਤਕ ਉਹ ਕਿਟੀਮੈਟ ਹਸਪਤਾਲ ਪਹੁੰਚੀ, ਉਸ ਵੇਲੇ ਤਕ ਉਹ ਲੇਬਰ ਦੇ ਸ਼ੁਰੂਆਤੀ ਪੜ੍ਹਾਅ 'ਚ ਸੀ।
ਹੈਲਥ ਅਥਾਰਿਟੀ ਦਾ ਕਹਿਣਾ ਸੀ ਕਿ ਇਹ ਹਸਪਤਾਲ ਗੁੰਝਲਦਾਰ ਮਾਮਲਿਆਂ ਨੂੰ ਹੈਂਡਲ ਕਰਨ 'ਚ ਸਮਰੱਥ ਨਹੀਂ ਹੈ।
ਬਿਆਨ 'ਚ ਦੱਸਿਆ ਗਿਆ ਕਿ ਲੁਫਟ ਨੇ ਰੌਲਾ ਪਾਇਆ ਅਤੇ ਕਿਹਾ ਕਿ ਉਸ ਦੀ ਪਤਨੀ ਦਾ ਇਲਾਜ ਨਹੀਂ ਕੀਤਾ ਜਾ ਰਿਹਾ।
ਇਸ ਤੋਂ ਬਾਅਦ ਇਹ ਜੋੜਾ ਉੱਥੋਂ ਨਿਕਲ ਗਿਆ ਅਤੇ ਉਸੇ ਰਾਤ ਟੈਰੇਸ ਦੇ ਹਸਪਤਾਲ ਪਹੁੰਚਿਆ।
ਉੱਥੇ ਜੋੜੇ ਕੋਲ ਜਨਮ ਲੈਣ ਵਾਲੀ ਬੱਚੀ ਦੀ ਦਿਲ ਦੀ ਧੜਕਣ ਨਹੀਂ ਮਿਲ ਸਕੀ ਅਤੇ ਉਸ ਦੀ ਡਿਲੀਵਰੀ ਮ੍ਰਿਤ ਅਵਸਥਾ 'ਚ ਹੋਈ।
ਯਾਦ ਰਹੇ ਲਗਾਏ ਗਏ ਇਲਜ਼ਾਮ ਜਾਂ 5 ਡਾਕਟਰਾਂ ਵੱਲੋਂ ਦਿੱਤੀ ਗਈ ਸਫਾਈ ਬਾਰੇ ਫਿਲਹਾਲ ਕੋਰਟ 'ਚ ਕੁਝ ਸਾਬਿਤ ਨਹੀਂ ਹੋਇਆ ਹੈ।
