ਬੀ. ਸੀ. ਦੇ ਲੋਅਰ ਮੇਨਲੈਂਡ ਵਿਚ ਖਸਰੇ ਦੇ ਇਕ ਹੋਰ ਮਾਮਲੇ ਦੀ ਹੋਈ ਪੁਸ਼ਟੀ

ਬੀ. ਸੀ. ਦੇ ਲੋਅਰ ਮੇਨਲੈਂਡ ਵਿਚ ਫਰਵਰੀ ਮਹੀਨੇ ਖਸਰੇ ਦੇ ਤਿੰਨ ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ।ਸਿਹਤ ਅਧਿਕਾਰੀ ਮੁਤਾਬਕ ਤਾਜ਼ਾ ਜਾਂਚ ਵਿਚ ਇੱਥੇ ਇਕ ਹੋਰ ਵਿਅਕਤੀ ਇਸ ਨਾਲ ਪੀੜਤ ਪਾਇਆ ਗਿਆ ਹੈ। ਫਰੇਜ਼ਰ ਹੈਲਥ ਮੁਤਾਬਕ ਇਹ ਵਿਅਕਤੀ ਹਾਲ ਹੀ ਵਿਚ ਦੱਖਣ-ਪੂਰਬੀ ਏਸ਼ੀਆ ਘੁੰਮ ਕੇ ਆਇਆ ਹੈ।

ਪਿਛਲੇ ਮਹੀਨੇ ਤੱਟੀ ਸਿਹਤ ਖੇਤਰ ਅਤੇ ਵੈਨਕੂਵਰ ਕੋਸਟਲ ਹੈਲਥ ਖੇਤਰ ਦੇ ਇਕ-ਇਕ ਵਿਅਕਤੀ ਦੇ ਇਸ ਵਾਇਰਸ ਦੇ ਸ਼ਿਕਾਰ ਹੋਣ ਦੀ ਖਬਰ ਸਾਹਮਣੇ ਆਈ ਸੀ। ਇਹ ਦੋਵੇਂ ਵੀ ਦੱਖਣ-ਪੂਰਬੀ ਏਸ਼ੀਆ ਘੁੰਮ ਕੇ ਆਏ ਸਨ।

ਔਫੀਸ਼ੀਅਲਜ਼ ਮੁਤਾਬਕ ਜੇਕਰ ਕੋਈ 3 ਮਾਰਚ ਦੁਪਹਿਰ 2.30 ਵਜੇ ਤੋਂ 4 ਮਾਰਚ ਤੜਕੇ 2.30 ਵਜੇ ਤੱਕ ਰਾਇਲ ਕੋਲੰਬੀਆ ਹਸਪਤਾਲ ਦੇ ਐਮਰਜੈਂਸੀ ਵਿਭਾਗ ਵਿਚ ਗਿਆ ਹੋਵੇ ਤਾਂ ਉਹ ਆਪਣਾ ਟੈਸਟ ਜ਼ਰੂਰ ਕਰਾਵੇ। ਖਸਰਾ ਸਭ ਤੋਂ ਵੱਧ ਛੂਤ ਵਾਲੀਆਂ ਬਿਮਾਰੀਆਂ ਵਿੱਚੋਂ ਇੱਕ ਹੈ, ਖਾਸ ਤੌਰ 'ਤੇ ਉਨ੍ਹਾਂ ਖੇਤਰਾਂ ਵਿਚ ਫੈਲਦਾ ਹੈ ਜਿੱਥੇ ਟੀਕਾਕਰਨ ਦੀ ਦਰ ਘੱਟ ਹੈ।