12.27C Vancouver 12.27C VancouverMar 17, 2025 7:43 PM - The Canadian Press
ਬੀ. ਸੀ. ਵਿਚ ਲੋਕਾਂ ਦੇ ਘਰਾਂ ਦੇ ਬਿਜਲੀ ਬਿੱਲ ਵਧਣ ਜਾ ਰਹੇ ਹਨ। ਸੂਬਾ ਸਰਕਾਰ ਨੇ ਬੀ. ਸੀ. ਹਾਈਡਰੋ ਲਈ ਦਰਾਂ ਵਿਚ 3.75 ਫੀਸਦੀ ਵਾਧੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ, ਇਹ ਨਵੀਂ ਦਰ 1 ਅਪ੍ਰੈਲ ਤੋਂ ਲਾਗੂ ਹੋਣ ਜਾ ਰਹੀ ਹੈ। ਹਾਲਾਂਕਿ, ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਬੀ. ਸੀ. ਹਾਈਡਰੋ ਲਈ ਅਗਲੇ 2 ਸਾਲਾਂ ਵਾਸਤੇ ਦਰਾਂ ਵਧਾਉਣ ਦੀ ਇੱਕ ਲਿਮਟ ਤੈਅ ਕਰ ਦਿੱਤੀ ਗਈ ਹੈ, ਜੋ 3.75 ਫੀਸਦੀ ਹੋਵੇਗੀ।
ਊਰਜਾ ਮਿਨਿਸਟਰ ਐਡਰੀਅਨ ਡਿਕਸ ਨੇ ਕਿਹਾ ਕਿ ਇਸ ਕਦਮ ਨਾਲ ਔਸਤ ਬੀ.ਸੀ. ਹਾਈਡਰੋ ਗ੍ਰਾਹਕ ਜੋ ਪ੍ਰਤੀ ਮਹੀਨਾ $100 ਦਾ ਬਿੱਲ ਭਰਦੇ ਹਨ, ਉਨ੍ਹਾਂ ਦੇ ਬਿੱਲ ਵਿਚ $3.75 ਦਾ ਵਾਧਾ ਹੋਵੇਗਾ। ਮਿਨਿਸਟਰ ਨੇ ਕਿਹਾ ਕਿ ਦਰਾਂ ਵਿਚ ਵਾਧੇ ਦੇ ਬਾਵਜੂਦ ਬ੍ਰਿਟਿਸ਼ ਕੋਲੰਬੀਆਂ ਵਾਸੀਆਂ ਨੂੰ ਉੱਤਰੀ ਅਮਰੀਕਾ ਵਿਚ ਸਭ ਤੋਂ ਘੱਟ ਦਰਾਂ 'ਤੇ ਬਿਜਲੀ ਮਿਲ ਰਹੀ ਹੈ, ਜੋ ਐਲਬਰਟਨਜ਼ ਦੀ ਤੁਲਨਾ ਵਿਚ ਲਗਭਗ ਅੱਧੀ ਹੈ।
