14.01C Vancouver 14.01C VancouverDec 17, 2021 10:40 PM - The Canadian Press
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸੂਬੇ 'ਚ ਓਮੀਕਰੌਨ ਵੇਰੀਐਂਟ ਦੇ ਫੈਲਾਅ ਦੇ ਵਧਣ ਨਾਲ ਕੋਵਿਡ-19 ਦੇ ਮਾਮਲਿਆਂ ਦੀ ਗਿਣਤੀ 'ਚ ਵਾਧਾ ਹੋਣ ਲੱਗਿਆ ਹੈ।
ਉਨ੍ਹਾਂ ਕਿਹਾ ਕਿ ਸੂਬੇ ਡੈਲਟਾ ਵੇਰੀਐਂਟ ਦੇ ਫੈਲਾਅ ਵਿਚਾਲੇ ਕੁਝ ਬਿਹਤਰ ਸਥਿਤੀ 'ਚ ਪਹੁੰਚਦਾ ਵਿਖਾਈ ਦੇ ਰਿਹਾ ਸੀ ਪਰ ਇਸ ਨਵੇਂ ਵੇਰੀਐਂਟ ਦੇ ਫੈਲਾਅ ਵਿਚਾਲੇ ਹਾਲਾਤ ਫਿਰ ਵਿਗੜਨ ਲੱਗੇ ਹਨ।
ਇਸ ਵਿਚਾਲੇ ਸੂਬੇ 'ਚ ਨਵੀਆਂ ਪਬੰਦੀਆਂ ਐਲਾਨੀਆਂ ਗਈਆਂ ਹਨ ਜਿਸ ਦੀ ਸ਼ੁਰੂਆਤ ਐਤਵਾਰ ਮੱਧ ਰਾਤ ਤੋਂ ਹੋਣ ਜਾ ਰਹੀ ਹੈ।
ਇਹ ਨਿਰਦੇਸ਼ ਜਨਵਰੀ ਦੇ ਅੰਤ ਤਕ ਜਾਰੀ ਰਹਿਣਗੇ।
ਬੀ.ਸੀ. 'ਚ ਈਵੈਂਟਸ ਅਤੇ ਇਕੱਠਾਂ ਸੰਬੰਧੀ ਪਬੰਦੀਆਂ ਲਗਾਈਆਂ ਜਾ ਰਹੀਆਂ ਹਨ।
ਜੇਕਰ ਸਾਰੇ ਲੋਕ ਵੈਕਸੀਨੇਟਿਡ ਹੋਣ ਤਾਂ ਰੈਂਟਲ, ਵਕੇਸ਼ਨ ਪ੍ਰਾਪਰਟੀਆਂ ਅਤੇ ਰਿਜ਼ੌਰਟਸ ਸਮੇਤ ਇੰਡੋਰ ਇਕੱਠਾਂ ਨੂੰ ਹਾਊਸਓਲਡਸ ਅਤੇ ਰੈਜ਼ੀਡੈਂਟਸ ਤੋਂ ਇਲਾਵਾ 10 ਹੋਰ ਲੋਕਾਂ ਤਕ ਸੀਮਤ ਰੱਖਿਆ ਗਿਆ ਹੈ।
ਅਨਵੈਕਸੀਨੇਟਿਡ ਲੋਕਾਂ ਸੰਬੰਧੀ ਅਜਿਹੀ ਕਿਸੇ ਵੀ ਇਕੱਤਰਤਾ 'ਤੇ ਰੋਕ ਲਗਾਈ ਗਈ ਹੈ।
ਈਵੈਂਟਸ ਸੰਬੰਧੀ ਬੀ.ਸੀ. ਵੈਕਸੀਨ ਕਾਰਡ ਨਾਲ ਪਰੂਫ ਆਫ ਵੈਕਸੀਨ ਨੂੰ ਪੁਖਤਾ ਬਣਾਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ ਅਤੇ ਕਿਊ.ਆਰ. ਕੋਡ ਨੂੰ ਵੀ ਪੁਖਤਾ ਬਣਾਉਣ ਦੀ ਲੋੜ ਹੋਵੇਗੀ।
ਜਿਹੜੇ ਵੈਨਿਊਸ ਦੀ ਕਪੈਸਟੀ 1,000 ਜਾਂ ਉਸ ਤੋਂ ਵਧੇਰੀ ਹੈ, ਤਾਂ ਉਨ੍ਹਾਂ 'ਚ ਇਕੱਤਰਤਾ ਨੂੰ 50% ਤਕ ਸੀਮਤ ਰੱਖਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ। ਇਸ 'ਚ ਕਾਂਸਰਟ, ਹਾਕੀ ਗੇਮ ਜਾਂ ਹੋਰ ਅਜਿਹੇ ਈਵੈਂਟਸ ਅਤੇ ਇਕੱਤਰਤਾ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਇਨ੍ਹਾਂ ਈਵੈਂਟਸ 'ਤੇ ਮਾਸਕ ਪਹਿਨਣਾ ਲਾਜ਼ਮੀ ਬਣਾਉਣ ਲਈ ਸਖਤ ਹੋਣ ਦੀ ਗੱਲ ਆਖੀ ਗਈ ਹੈ।
ਸਾਰੇ ਸਪੋਰਟਸ ਟੂਰਨਾਮੈਂਟ, ਜਿਸ 'ਚ ਕਿ ਯੂਥ ਅਤੇ ਐਡਲਟ ਟੂਰਨਾਮੈਂਟ ਸ਼ਾਮਿਲ ਹਨ, ਉਨ੍ਹਾਂ ਨੂੰ ਸਸਪੈਂਡ ਕਰ ਦਿੱਤਾ ਗਿਆ ਹੈ। ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਹਾਕੀ ਸਮੇਤ ਕਈ ਟੂਰਨਾਮੈਂਟਸ ਦੀ ਬਾਕਸਿੰਗ ਡੇਅ ਦੇ ਆਲੇ ਦੁਆਲੇ ਸ਼ੁਰੂਆਤ ਹੋਣੀ ਸੀ, ਪਰ ਹੁਣ ਇਨ੍ਹਾਂ ਨੂੰ ਸਸਪੈਂਡ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸਿਰਫ ਵਨ ਔਨ ਵਨ ਮੁਕਾਬਲਿਆਂ ਜਿਹੇ ਖੇਡ ਕੰਪੀਟੀਸ਼ਨ ਹੋ ਸਕਣਗੇ।
ਨਵੇਂ ਸਾਲ ਦੀਆਂ ਪਾਰਟੀਆਂ ਨੂੰ ਰੱਦ ਕਰਨ ਦੇ ਨਿਰਦੇਸ਼ ਵੀ ਜਾਰੀ ਕੀਤੇ ਗਏ ਹਨ। ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਰੈਸਟੂਰੈਂਟ ਆਪਣੀ ਪੂਰੀ ਕਪੈਸਟੀ 'ਤੇ ਆਪ੍ਰੇਸ਼ਨ ਜਾਰੀ ਰੱਖ ਸਕਣਗੇ, ਪਰ ਗੈਸਟਸ ਲਈ ਆਪਣੇ ਟੇਬਲਸ 'ਤੇ ਰਹਿਣਾ ਜਰੂਰੀ ਹੋਵੇਗਾ ਅਤੇ ਜਦ ਟੇਬਲ ਤੋਂ ਉੱਠਣਾ ਹੋਵੇ ਤਾਂ ਮਾਸਕ ਪਹਿਨਣਾ ਜਰੂਰੀ ਹੋਵੇਗਾ। ਵੱਖੋ-ਵੱਖਰੇ ਟੇਬਲਸ 'ਤੇ ਪਹੁੰਚ ਕਰਨ ਜਾਂ ਹੋਰ ਲੋਕਾਂ ਨਾਲ ਮੇਲਜੋਲ ਦੀ ਇਜਾਜਤ ਨਹੀਂ ਹੋਵੇਗੀ। ਰੈਸਟੂਰੈਂਟਸ ਵਿੱਚ ਨੱਚਣ ਜਿਹੀਆਂ ਗਤੀਵਿਧੀਆਂ ਦੀ ਵੀ ਇਜਾਜਤ ਨਹੀਂ ਹੋਵੇਗੀ।
ਇਸ ਤੋਂ ਇਲਾਵਾ ਰਿਟੇਲ ਸਟੋਰਸ ਨੂੰ ਵੀ ਮੰਗ ਕੀਤੀ ਗਈ ਹੈ ਕਿ ਬਾਕਸਿੰਗ ਡੇਅ ਦੀਆਂ ਸੇਲਸ ਅਤੇ ਨਵੇਂ ਸਾਲ ਦੀ ਸ਼ਾਪਿੰਗ ਦੌਰਾਨ ਹੋਣ ਵਾਲੀ ਭਾਰੀ ਇਕੱਤਰਤਾ ਦੌਰਾਨ ਸਹੀ ਉਪਰਾਲੇ ਕੀਤੇ ਜਾਣ, ਤਾਂ ਜੋ ਸਟੋਰਾਂ 'ਚ ਭਾਰੀ ਰਸ਼ ਤੋਂ ਬਚਾਅ ਕੀਤਾ ਜਾ ਸਕੇ, ਅਤੇ ਵਾਇਰਸ ਦੇ ਫੈਲਾਅ ਨੂੰ ਠੱਲ ਪਾਉਣ ਲਈ ਕਦਮ ਚੁੱਕੇ ਜਾਣ।
