14.86C Vancouver 14.86C VancouverApr 24, 2024 6:58 PM - The Canadian Press
ਬੀ.ਸੀ. ਨੇ ਅੰਦਰੂਨੀ ਇਲਾਕਿਆਂ ’ਚ ਖੁੱਲ੍ਹੀਆਂ ਅੱਗਾਂ ’ਤੇ 5 ਮਹੀਨੇ ਦੀ ਪਾਬੰਦੀ ਲਗਾਈ ਗਈ ਹੈ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਵਲੋਂ ਇਸ ਪਾਬੰਦੀ ਦਾ ਐਲਾਨ ਅੱਗ ਦਾ ਸੀਜ਼ਨ ਜਲਦੀ ਸ਼ੁਰੂ ਹੋਣ ਕਾਰਨ ਕੀਤਾ ਗਿਆ ਹੈ।
ਕਾਮਲੂਪਸ ਫਾਇਰ ਸੈਂਟਰ ਵਿਚ ਸ਼੍ਰੇਣੀ 3 ਦੀਆਂ ਅੱਗਾਂ ’ਤੇ ਪਾਬੰਦੀ 3 ਮਈ ਤੋਂ 11 ਅਕਤੂਬਰ ਤੱਕ ਜਾਰੀ ਰਹੇਗੀ। ਇਸ ਵਿਚ ਲੋਕਾਂ ਨੂੰ ਇਕੋ ਸਮੇਂ ਕਿਸੇ ਜਾਇਦਾਦ ’ਤੇ ਤਿੰਨ ਜਾਂ ਵਧੇਰੇ ਅੱਗਾਂ ਲਗਾਉਣ ਜਾਂ ਦੋ ਮੀਟਰ ਤੋਂ ਵੱਧ ਉਚਾਈ ਜਾਂ ਤਿੰਨ ਮੀਟਰ ਚੌੜਾਈ ਵਾਲੇ ਢੇਰ ਨੂੰ ਅੱਗ ਲਾਉਣ ’ਤੇ ਪਾਬੰਦੀ ਹੋਵੇਗੀ।
ਸਰਵਿਸ ਅਨੁਸਾਰ 0.2 ਹੈਕਟੇਅਰ ਤੋਂ ਵੱਡੇ ਘਾਹ ਨੂੰ ਸਾੜਨ ’ਤੇ ਵੀ ਪਾਬੰਦੀ ਹੋਵੇਗੀ। ਇਨ੍ਹਾਂ ਪਾਬੰਦੀਆਂ ਦੇ ਘੇਰੇ ਵਿੱਚ ਆਉਣ ਵਾਲੇ ਖੇਤਰਾਂ ਵਿੱਚ ਲਿਲੂਏਟ, ਕਾਮੂਪਸ, ਮੈਰਿਟ, ਵਰਨਨ ਅਤੇ ਪੇਂਟਿਕਟਨ ਫਾਇਰ ਜ਼ੋਨ ਸ਼ਾਮਲ ਹਨ।
ਬੀ.ਸੀ. ਵਾਈਲਡਫਾਇਰ ਸਰਵਿਸ ਅਨੁਸਾਰ ਵੈਨਕੂਵਰ ਤੋਂ ਲਗਭਗ 600 ਕਿਲੋਮੀਟਰ ਉੱਤਰ ਵਿਚ 1,800 ਹੈਕਟੇਅਰ ਵਿਚ ਫੈਲੀ ਬਰਗੇਸ ਕ੍ਰੀਕ ਅੱਗ ਅਜੇ ਵੀ ਕਾਬੂ ਤੋਂ ਬਾਹਰ ਹੈ। ਜ਼ਿਕਰਯੋਗ ਹੈ ਕਿ ਬੀ.ਸੀ. ਦੇ ਜ਼ਿਆਦਾਤਰ ਹਿੱਸੇ ਵਿਚ ਅਜੇ ਵੀ ਸੋਕੇ ਦੀਆਂ ਸਥਿਤੀਆਂ ਬਣੀਆਂ ਹੋਈਆਂ ਹਨ ਅਤੇ ਫਾਇਰ ਅਧਿਕਾਰੀ ਪਿਛਲੇ ਸਾਲ ਦੀ ਰਿਕਾਰਡ ਤਬਾਹੀ ਤੋਂ ਬਾਅਦ ਇੱਕ ਹੋਰ ਚੁਣੌਤੀਪੂਰਨ ਮੌਸਮ ਬਾਰੇ ਫਿਕਰਮੰਦ ਹਨ।
