12.88C Vancouver 12.88C VancouverNov 27, 2023 8:20 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਓਪੀਔਡ ਕਲਾਸ-ਐਕਸ਼ਨ ਮੁਕੱਦਮੇ ਨੂੰ ਪ੍ਰਮਾਣਿਤ ਕਰਨ ਲਈ ਦਰਜਨਾਂ ਫਾਰਮਾ ਕੰਪਨੀਆਂ ਖਿਲਾਫ ਅਦਾਲਤ ਪਹੁੰਚ ਗਈ ਹੈ।
ਇਹ ਉਦੋਂ ਹੋਇਆ ਜਦੋਂ ਕੈਨੇਡਾ ਦੀ ਸੁਪਰੀਮ ਕੋਰਟ ਇਸ ਮਹੀਨੇ ਚਾਰ ਕੰਪਨੀਆ ਦੀ ਸੰਵਿਧਾਨਿਕ ਚਣੌਤੀ ਨੂੰ ਸੁਣਨ ਲਈ ਸਹਿਮਤ ਹੋ ਗਿਆ ਹੈ ਜਿਨ੍ਹਾਂ ਦਾ ਕਹਿਣਾ ਹੈ ਕਿ ਬੀਸੀ ਵੱਲੋਂ ਦੂਜੀਆਂ ਸਰਕਾਰਾਂ ਦੀ ਤਰਫੋਂ ਲਾਗਤਾਂ ਦੀ ਵਸੂਲੀ ਕਰਨ ਵਾਲਾ ਕਾਨੂੰਨ ਗਲਤ ਹੈ। ਇਹ ਕੰਪਨੀਆਂ ਫਿਰ ਸਰਟੀਫਿਕੇਸ਼ਨ ਸੁਣਵਾਈ ਵਿੱਚ ਦੇਰੀ ਦੀ ਮੰਗ ਲੈ ਕੇ ਬੀਸੀ ਦੀ ਸੁਪਰੀਮ ਕੋਰਟ ਵਿੱਚ ਪਹੁੰਚ ਗਈਆਂ ਪਰ ਜੱਜ ਨੇ ਕਿਹਾ ਕਿ ਇਹ ਅਜਰਮੈਂਟ ਨਿਆਂਸੰਗਤ ਨਹੀਂ ਹੈ।
ਸੂਬੇ ਵੱਲੋਂ 2018 ਵਿੱਚ ਓਪੀਔਡ ਡੈਮੇਜ ਐਂਡ ਹੈਲਥ ਕੇਅਰ ਕਾਸਟਸ ਰਿਕਵਰੀ ਐਕਟ ਪਾਸ ਕਰਕੇ ਕਾਨੂੰਨੀ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਸੀ ਜਿਸ ਵਿੱਚ ਕਥਿਤ ਤੌਰ 'ਤੇ ਓਪੀਔਡ ਦੀ ਲੱਤ ਵਿੱਚ ਯੋਗਦਾਨ ਦੇਣ ਵਾਲੀਆਂ ਕੰਪਨੀਆ ਤੋਂ ਲਾਗਤ ਦੀ ਮੰਗ ਕੀਤੀ ਗਈ ਸੀ।
ਬੀਸੀ ਵੱਲੋਂ ਇਸ ਮੁੱਦੇ ਕਾਰਨ 2016 ਵਿੱਚ ਜਨਤਕ ਸਿਹਤ ਐਮਰਜੈਂਸੀ ਦੀ ਘੋਸ਼ਣਾ ਕੀਤੀ ਗਈ ਸੀ ਅਤੇ ਉਦੋਂ ਤੱਕ ਸੂਬੇ ਵਿੱਚ ਓਵਰਡੋਜ਼ ਕਾਰਨ ਲਗਭਗ 13,000 ਲੋਕਾਂ ਦੀ ਮੌਤ ਹੋ ਚੁੱਕੀ ਸੀ।
